އެމްބީއޭގެ ޚާއްސަ އާންމު ޖަލްސާ ބާއްވައި، ހިންގާ ޤަވާއިދަށް ގެނައި ބަދަލުތައް ފާސްކޮށްފި

މޯލްޑިވްސް ބާސްކެޓުބޯލް އެސޯސިއޭޝަން (އެމްބީއޭ) ގެ ޚާއްސަ އާންމު ޖަލްސާ ބާއްވައި، ހިންގާ ޤަވާއިދު ފާސްކޮށްފި އެވެ.

އެމްބީީއޭގެ ފުރިހަމަ މެމްބަރުންގެ ޖުމުލަ އަދަދަކީ 20 ކަމަށްވާއިރު، 10 މެމްބަރުން ވަނީ ޖަލްސާގައި ބައިވެރިވެފަ އެވެ. އޭގެ ތެރެއިން ހިންގާ ޤަވާއިދު ފާސްކޮށްފައި ވަނީ ވޯޓުގައި ބައިވެރިވި 17 މެމްބަރުންގެ ތާއީދާ އެކު އެވެ. އެމްބީއޭގެ ހިންގާ ޤަވާއިދަށް ގެނެވުނު ބަދަލުތަކަށް ބަލާއިރު، އެއީ ޤަވާއިދަށް ގެނެވުނު ވަރަށް މުހިންމު ބަދަލުތަކެއް ކަމަށް އެ އެސޯސިއޭޝަނުން ވަނީ ބުނެފަ އެވެ.

އެމްބީއޭގެ ހިންގާ ޤަވާއިދަށް ގެނެވުނު ބަދަލުތަކުގެ ތެރޭގައި އެސޯސިއޭޝަންގެ ކޮމެޓީތަކުގެ އޮނިގަނޑަށް ބަދަލުތަކެއް ގެނައުން، އެސޯސިއޭޝަންގެ ހިންގުން ފަސޭހަ ކުރުމުގެ ގޮތުން އިތުރު ދާއިމީ ކޮމެޓީއެއް އުފެއްދުން، އެސޯއޭޝަންގެ މެމްބަރުންގެ ގިންތިތަކަށް ބަދަލުތަކެއް ގެނުވައި އައު ގިންތި އުފެއްދުން، އެސޯސިއޭޝަންގެ ހިންގާ ކޮމެޓީގެ އުފެދިގެން އަންނަ ގޮތަށް ބަދަލުތަކެއް ގެނައުން، އެސޯސިއޭޝަންގެ ފުރިހަމަ މެމްބަރެއްގެ ޙައިޞިއްޔަތު ލިބޭނެ ގޮތް އަދި އެއަށް އަމަލު ކުރުމަށް ހަތަރު އަހަރުގެ ގްރޭސް ޕީރިއަޑެއް ހިމެނުން އަދި އެ މާއްދާ އެކްޓިވް ވަންދެން އަމަލު ކުރަމުން ދާނީ މިހާރު ވެސް އަމަލު ކުރަމުން ދާ ގޮތަށް ކަމަށް ވެސް ވަނީ ނިންމައިފަ އެވެ.

މި ބަދަލުތައް ގެނައުމަށް އެމްބީއޭ އިން ފާސްކޮށްފައިވާއިރު، އެ ބަދަލުތައް ގެނައުމަށް އިއުލާން ކޮށްފައި ވަނީ މި ހިނގާ އޮކްޓޫބަރު މަހުގެ ތިން ވަނަ ދުވަހު އެވެ. އެއަށްފަހު އެމްބީއޭގެ މެމްބަރުންގެ ޚިޔާލަށް ހުޅުވާލަފައި ވަނީ ވަނީ އޮކްޓޫބަރު މަހުގެ ފަސް ވަނަ ދުވަހު އެވެ. ނަމަވެސް އެ މުއްދަތުގައި އެކަމަށް އެއްވެސް ޚިޔާލެއް ހުށަހަޅާފައި ނެތް ކަމަށް އެ އެސޯސިއޭޝަނުން ވަނީ ބުނެފަ އެވެ. އެހެންކަމުން އޮކްޓޫބަރު މަހުގެ 14 ވަނަ ދުވަހާއި، 15 ވަނަ ދުވަހު ވަނީ ހިންގާ ޤަވާއިދާ ގުޅެ ގުޅޭ ގޮތުން މައުލޫމާތު ސެޝަންތަކެއް އެމްބީއޭގެ މެމްބަރުންނަށް ކުރިއަށް ގެންގޮސްފަ އެވެ. އެ ބައްދަލުވުންތަކުގައި އެމްބީއޭގެ 14 މެމްބަރު ފަރާތަކުން ބައިވެރިވެފައިވާއިރު، މެމްބަރުން ފާހަގަ ކުރި ކުދި ކުދި އިސްލާހުތައް ގެނެވިފައިވާނެ ކަމަށް ވެސް އެ އެސޯސިއޭޝަނުން ވަނީ ބުނެފަ އެވެ.