ވޯލްޑް ޓްރެވެލް އެވޯޑްސް (ޑަބްލިއުޓީއޭ) 2024 ގައި ރާއްޖެ ނޮމިނޭޓް ވެފައިވާ ދާއިރާ ތަކުން ވޯޓު ދިނުމުގެ ފުރުސަތު އާދިއްތަ ދުވަހުގެ ނިޔަލަށް ހަމަވާނެއެވެ.

މޯލްޑިވްސް މާކެޓިންގ އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) ގެ ރަސްމީ ވެބްސައިޓްގައި ހާމަކޮށްފައިވާ ގޮތުގައި، ދުނިޔޭގެ ފަތުރުވެރިކަމުގެ ދާއިރާގައި ދިވެހިރާއްޖެ ހޯދާފައިވާ އިސް މަޤާމު ދެމެހެއްޓުމަށްޓަކައި، ފަތުރުވެރިންނާއި، އިންޑަސްޓްރީގެ ފަންނީ މާހިރުންނާއި، އަދި ރާއްޖެއާއި ދުނިޔޭގެ އެންމެހައި ފަރާތްތަކުގެ އެހީތެރިކަމަށް ދިވެހިރާއްޖެއިން އެދޭ ކަމަށެވެ.

މިއަހަރު ރާއްޖެ ވަނީ ޑަބްލިއުޓީއޭގެ 6 އެވޯޑަކަށް ނޮމިނޭޓްވެފައެވެ. މީގެ ތެރޭގައި އެންމެ ޝަރަފުވެރި އެވޯޑް ކަމުގައިވާ "ވޯލްޑްސް ލީޑިންގ ޑެސްޓިނޭޝަން 2024" ހިމެނޭ ކަމަށް އެމްއެމްޕީއާރުސީން ބުނެއެވެ.      

"ތިޔަ ބޭފުޅުންގެ އެހީތެރިކަމަކީ ދިވެހިރާއްޖެއަށް މި ޝަރަފުވެރި އިނާމުތައް ހޯދުމުގައި ވަރަށް މުހިންމު ދައުރެއް އަދާކުރާނެ ކަމެކެވެ." އެމްއެމްޕީއާރުސީގެ ވެބްސައިޓްގައި ބުނެފައިވެއެވެ.