މިއަހަރު ޓޫރިޒަމްގެ 14 ފެއާއެއްގައި ބައިވެރިވާނެ: އެމްއެމްޕީއާރްސީ
އިންޑިޔާގެ މުމްބާއީގައިވެސް މިއަހަރު ފަތުރުވެރިކަން އިޝްތިހާރުކުރާނެ
ޜާއްޖޭގެ ރިސޯޓެއް: މިއަހަރު ޓޫރިޒަމް އެންމެ ބޮޑަށް އިސްތިހާރު ކުރާނީ އޮންލައިކޮށް
ރާއްޖޭގެ ޓޫރިޒަމް އިޝްތިހާރު ކުރުމަށް ރާއްޖެއިން ބޭރުގައި ބާއްވާ 14 ފެއާއެއްގައި ބައިވެރިވާނެ ކަމަށް މޯލްޑިވްސް މާކެޓިން އެންޑް ޕީއާރް ކޯޕަރޭޝަނުން ބުނެފި އެވެ.
އެމްއެމްޕީއާރްސީގެ މެނޭޖިން ޑިރެކްޓަރ ހާރިސް މުހައްމަދު ވިދާޅުވީ ރާއްޖެއިން ބޭރުގައި ބާއްވާ 14 ފެއާއެއްގައި ބައިވެރިވުމަށް މިހާތަނަށް ނިންމާފައިވާ ކަމަށާއި އަދި މިއަހަރުގެ ތެރޭގައި ޕްރޮމޯޝަނަލް އިތުރު ހަރަކާތްތައް ރޭވިފައި އެބަހުރި ކަމަށެވެ.
އޭނާ ވިދާޅުވީ މިއަހަރުގެ ތެރޭގައި އެންމެ ބޮޑު އިސްކަމެއް ދީގެން މަސައްކަތް ކުރާނީ އޮންލައިންކޮށް ރާއްޖޭ މާކެޓް ކުރުމަށް ކަމަށެވެ.
އެގޮތުން ޖެނުއަރީ މަހުގެ ތެރޭގައި އެކަނިވެސް ހަތަރު ފެއާއެއްގައި ބައިވެރިވާނެ ކަމަށާއި އޭގެ ތެރޭގައި ސްޕެއިންގެ މެޑްރިޑްގައި މިމަހުގެ 18އިން 22އަށް ބާއްވާ ފެއާ އާއި ޖާރުމަނާއި ތުރުކީ އަދި ސުއިޒަލޭންޑްގައި ބާއްވާ ފެއާތަކުގައިވެސް ބައިވެރިވާނެ ކަމަށް އޭނާ ވިދާޅުވި އެވެ.
ރާއްޖޭގެ ފަތުރުވެރިކަން އިޝްތިހާރު ކުރުމަށް ގިނަ ހަރަކާތްތަކެއް 2016 ވަނަ އަހަރުވެސް ކުރިއަށް ގެންގޮސްފައިވެއެވެ.
