ޑިވެލޮޕްމަންޓް ބޭންކް އޮފް މޯލްޑިވްސްގެ ޚިދުމަތް 12 އޮކްޓޯބަރު 2025 ގެ ނިޔަލަށް ފަށަން ޖެހޭނެ: އެމްއެމްއޭ
14 އޮކްޓޯބަރު 2024 | ހޯމަ 14:48ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑް އުފެއްދުމުގެ ލައިސަންސް ދޫކޮށްފައިވަނީ އޮކްޓޯބަރު 13 ވަަނަ ދުވަހު
ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑްގެ ޗެއަރޕާސަން، އަރުނީ ގޫނެތިލެކެ އަދި ސީއީއޯ ނޮއެލް ގްރެގޮރ ޕެޓަރސަން-ޖޯންސް
ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑް ގެ ޚިދުމަތް 12 އޮކްޓޫބަރު 2025 ގެ ނިޔަލަށް ފަށަންޖެހޭ ގޮތައް ހަމަ ޖެހިފައިވާ ކަމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ބުނެފިއެވެ.
އެމްއެމްއޭ އިން މިހެން ބުނީ، އެ ބޭންކު އުފެއްދުމަށް މި މަހުގެ 13 ވަނަ ދުވަހު ބޭންކިން ލައިސަންސް ދޫކުރުމަށް ފަހު ނެރުނު ނޫސް ބަޔާނެއްގައެވެ.
ސައްތައިންސައްތަ ދިވެހި ސަރުކާރު ހިއްސާވާ ބޭންކެއްގެ ގޮތުގައި އުފެއްދި ޑިވެލޮޕްމަންޓް ބޭންކުގެ ޚިދުމަތް ފެށުމުން، އިޤްތިޞާދީ އަދި މާލީ ކުރިއެރުމަށް ބޭނުންވާ ދިގު މުއްދަތުގެ ފައިނޭންސިންގެ ޚިދުމަތް ދިވެހިރާއްޖޭގައި ތަޢާރަފު ވެގެންދާނެ ކަމަށް ދެކޭ ކަމަށް އެމްއެމްއޭ އިން ނެރުނު ބަޔާނުގައި ބުނެފައިވެއެވެ.
"މި އޮތޯރިޓީއިން ދެކޭ ގޮތުގައި މި ބޭންކް ހުޅުވުމަކީ ދިވެހިރާއްޖޭގެ މަލީ ދާއިރާ ހަރުދަނާކަމާއެކު ފުޅާކޮށް ތަރައްގީ ކުރުމަށް އެޅިގެންދާނެ މުހިންމު ފިޔަވަޅެކެވެ." އެމްއެމްއޭގެ ބަޔާނުގައި ވެއެވެ.
