ހޯމަ 06 އޭޕުރިލް 2020
12 ރޭވަ
1441 ޝައުބާން 13
ފަތިސް 04:50
އިރުއަރާ 06:02
މެންދުރު 12:13
އަސްރު 15:15
މަޣްރިބް 18:16
އިޝާ 19:27
ވިޔަފާރި - ބީއެމްއެލް

ޓްރެވަލް ޓްރޭޑް މޯލްޑިވްސްގެ ޕްލެޓީނަމް ޕާޓްނަރ ގެ ގޮތުގައި ބީއެމްއެލް ހަމަޖައްސައިފި

  • މި ފެއަރ އޮންނާނީ ޖުލައި 12 އަދި 13 ވަނަ ދުވަހު

ރިޒުނާ ޒަރީރު
RiznaZareer

ކ. މާލެ | 9 މެއި 2017 | އަންގާރަ 21:42 | 1,661

ޓީޓީއެމް ފެއަރގައި ބީއެމްއެލް އިން ސޮއިކުރުން - ބީއެމްއެލް

މިއަހަރު ބާއްވަން ހަމަޖެހިފައިވާ "ޓްރެވަލް ޓްރޭޑް  މޯލްޑިވްސް 2017" (ޓީޓީއެމް) ގެ ޕްލެޓީނަމް ޕާޓްނަރގެ ގޮތުގައި ބީއެމްއެލް ހަޖައްސައި މިކަމާ ގުޅޭ އެއްބަސްވުމުގައި މި ފެއަރ އިންތިޒާމްކުރާ މޯލްޑިވްސް ގެޓްއަވޭސް އާއެކު ބޭންކް އޮފް މޯލްޑިވްސްއިން ސޮއިކޮށްފިއެވެ.

މި އެއްބަސްވުމުގައި ސޮއިކޮށްފައިވަނީ ބޭންކްގެ ހެޑް އޮފީހުގައި އަންގާރަ ދުވަހު ބޭއްވި ރަސްމިއްޔާތެއްގައެވެ.

ރާއްޖޭގެ ޓޫރިޒަމް ދާއިރާގައި މަސައްކަތްކުރާ ފަރާތްތަކާއި ދުނިޔޭގެ ބޮޑެތި ޓްރެވަލް އެޖެންޓުންނާއި ގުޅުވައިލުމަށް ކުރިޔަށް ގެންދާ ޓީޓީއެމް ފެއަރ މިއަހަރު އޮންނާނީ ޖުލައި 12 އަދި 13 ވަނަ ދުވަހު ދަރުބާރުގޭގައެވެ.

މި އިވެންޓްގައި ރާއްޖެއާއި ދުނިޔޭގެ އެކި ކަންކޮޅުތަކުން 300 އަށްވުރެ ގިނަ ރިޒޯޓު ހިންގާ ފަރާތްތަކާއި، ސަޕްލަޔަރުން، އަދި ފަތުރުވެރިކަމުގެ ދާއިރާގެ ފަންނީ ބޭފުޅުން ބައިވެރިވާނެއެވެ.

އަންގާރަ ދުވަހު ހެނދުނު ސޮއިކުރި އެއްބަސްވުމުގެ ދަށުން، ބީއެމްއެލް ވަނީ ޓީޓީއެމްގައި ކުރިޔަށް ގެންދާ ޚާއްސަ ފޯރަމް "ބީއެމްއެލް ހޮޓެލިއަރ ސަމިޓް މޯލްޑިވްސް 2017" ގެ ޓައިޓަލް ޕާޓްނަރުގެ ގޮތުގައި ހަމަޖެހިފައެވެ. މިފޯރަމްގައި ޓޫރިޒަމް އިންޑަސްޓްރީއަށް ކުރިމަތިވެފައިވާ ގޮންޖެހުންތަކާ މެދު ބޮޑެތި ހޮޓެލްތަކުގެ އިސްބޭފުޅުންނާއި އޮޕަރޭޓަރުންގެ މެދުގައި މަޝްވަރާތައް ކުރިޔަށް ގެންދާނެއެވެ.

މި ސްޕޮންސަރޝިޕާ މެދު ވާހަކަދައްކަވަމުން ބީއެމްއެލްގެ ސީއީއޯ އަދި މެނޭޖިންގ ޑިރެކްޓަރ އެންޑްރޫ ހީލީ ވިދާޅުވީ މޯލްޑިވްސް ގެޓްއަވޭސް އާއި އެކު މަސައްކަތްކުރުމަށް މިވެވުނު އެއްބަސްވުމާއި މެދު ބޭންކުން ވަރަށް ފަޚުރުވެރިވާ ކަމަށާއި ދިވެހި ރާއްޖެއަކީ މިއަދުވެސް ބައިނަލްއަގްވާމީ ދުނިޔޭގައި ފާހަގަކޮށްލެވޭ ފަދަ ޕްރޮފައިލްއެއް އޮތް ގައުމެއް ކަމަށެވެ.

އަދި ރާއްޖެއަކީ އެންމެ މަތީ ފެންވަރުގެ ޓޫރިސްޓުންގެ މެދުގައި މަގުބޫލު މަންޒިލެއް ކަމަށްވާއިރު  މި ފެއަރގެ ސަބަބުން އިތުރު މާކެޓްތަކަށް ރާއްޖެ ތައާރަފްކުރުމަށް ދިވެހި ޓޫރިޒަމް އިންޑަސްޓްރީގައި މަސައްކަތްކުރާ ފަރާތްތަކުން ބޭނުންވާނެ ބައިނަލްއަގްވާމީ ގުޅުންތައް އިތުރަށް ވަރުގަދަވެގެންދާނެކަމށް ހީލީ ވިދާޅުވިއެވެ.

" އެނގިވަޑައިގަންނަވާނެ ފަދައިން ޓޫރިޒަމް އިންޑަސްޓްރީން މިވަނީ 2020 ގެ ކުރިން އަހަރަކު ދެ މިލިއަން ޓޫރިސްޓުން ރާއްޖެ ޒިޔާރަތްކުރުވުމަށް އަޒުމްކަނޑައަޅާފައި، މިކަން ހާސިލްކުރުމަށް އަޅުގަނޑުމެންނަށް މިފަދަ އެހީއެއް ފޯރުކޮށްދެވުމަކީ ލިބޭ ވަރަށް ބޮޑު އުފަލެއް." ހީލީ ވިދާޅުވި އެވެ.

އެންމެ ފަހުން އަޕްޑޭޓް ކުރީ: 2 ހަފްތާ ކުރިން | ރިވިއު ކުރީ: އިސްމާއިލް ނާއިލް ނަޝީދު

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.