އެމެރިކާގެ ކުރީގެ ރައީސް ޑޮނަލްޑް ޓްރަމްޕް އަވަހާރަކޮށްލަން އަނެއްކާވެސް ހަމަލާދީފިއެވެ.
މި ހާދިސާ ހިނގީ ޓްރަމްޕް ފްލޮރިޑާގެ ވެސްޓް ޕާމް ބީޗްގައި ހުރި އޭނާގެ ގޮލްފް ކޯހެއްގައި ގޮލްފް ކުޅުއްވަން އުޅުއްވަނިކޮށްނެވެ.
މިހަމަލާ މިދިނީ ޕެންސިލްވޭނިއާގެ ބަޓްލަރ ގައި ކެމްޕޭން ރެލީއެއްގައި ވާހަކަފުޅު ދައްކަވަން ހުންނަވަނިކޮށް ދިން ހަމަލާއަށް ގާތްގަނޑަަކަށް ދެ މަސްވެފައި ވަނިކޮށްނެވެ.
އެފްބީއައި އިން މައުލޫމާތުދޭ ގޮތުގައި ޓްރަމްޕް އަށް މި ހާދިސާގައި އެއްވެސް ގެއްލުމެއް ލިބިވަޑައެއް ނުގަންނަވައެވެ.
ނޫސް ތަކުން ރިޕޯޓުކުރާ ގޮތުގައި އެމެރިކާގެ ސީކްރެޓް ސަރވިސްގެ އެޖެންޓުން ވަނީ ބަޑިއެއް ހިފައިގެން ހުރި މީހަކާ ދިމާލަށް ބަޑިޖަހާފައެވެ. ރިޕޯޓުތައް ބުނާގޮތުން ބަޑި ހިފައިގެންހުރި މިހާ ހުރީ ޓްރަމްޕްއާ ގާތްގަނޑަކަށް 400 ނުވަތަ 500 ޔާޑު ދުރުގަ ހުރި ގަސްތަކެއްގެ ތެރޭގައި ފިލައެވެ.
އެސޯސިއޭޓެޑް ޕްރެސްއަށް މައުލޫމާތު ދެމުން އޮފިޝަލަކުު ބުނެފައިވަނީ މި މައްސަލައިގައި ހައްޔަރުކުރެވުނު މީހަކީ ރަޔަން ވެސްލީ ރައުތް ނަމަކަށް ކިޔާ މީހެއް ކަމަށެވެ.
