ޣައްޒާ ހަނގުރާމަ ހުއްޓާލުމުގެ މަޝްވަރާތައް އަލުން މިއަދު ފެށޭއިރު، އިޒްރޭލުގެ ހަމަލާތަކުގައި ޝަހީދުވި މީހުންގެ އަދަދު 40،000ށް އަރައިފި
މަޝްވަރާތައް ގަތަރުގެ ވެރިރަށް ދޯހާގައި ބޭއްވުމަށް ހަމަޖެހިފައިވާއިރު، އިޒްރޭލާއި އެމެރިކާގެ ވަފުދު ދޯހާ އަށް ދާނެ ކަމަށް ވަނީ ބުނެފައެވެ.
ހޯމަ ދުވަހު ދެކުނު ގާޒާގެ ޚާން ޔޫނިސްއަށް އިސްރާއީލުގެ ސިފައިން ދިން ހަމަލާގައި މަރުވި މީހެއް ކައިރީގައި ފަލަސްތީނުގެ ރައްޔިތުންތަކެއް ހިތާމަކުރަނީ
މި ދިޔަ 24 ގަޑިއިރުގެ ތެރޭގައި ހަމަދް ސިޓީ އަށް އިޒްރޭލުގެ ހަނގުރާމަމަތީ ޖެޓުތަކުން ބޮން އަޅާ އޭގެ އިތުރުން ޣައްޒާގެ ސްޓްރިޕްގެ ދެކުނުން ޚާން ޔޫނިސްގައި މީހުން ދިރިއުޅޭ އިމާރާތްތަކަކަށް އާޓިލަރީ ހަމަލާތައް ދީ ފަލަސްތީނުގެ އެތައް ބަޔަކު ޝަހީދު ކޮށްލައިފި ކަމަށް މީޑިއާ ރިޕޯޓްތައް ބުނެއެވެ.
އަނެއްކޮޅުން ހަނގުރާމަ ހުއްޓާލުމަށް މަޝްވަރާތައް ބުރާސްފަތި ދުވަހު ގަތަރުގައި ފެށޭނެ ކަމަށް އަލް ޖަޒީރާ އިން ބުނެފައިވެއެވެ. މަޝްވަރާތަކަށް އިޒްރޭލް އާއި އެމެރިކާ އިން ވަފުދު ފޮނުވާނެ ކަމަށް ވަނީ ބުނެފައެވެ. ހަމާސް އިން ބުނެފައިވަނީ އިޒްރޭލުން ސުލްހައިގެ ޕްރޮޕޯސަލްއަށް ސީރިއަސް ޖަވާބެއް ގެނައިތޯ ބެލުމަށް ބައްދަލުވުމުގައި ބައިވެރިވާނެ ކަމަށެވެ.
ބައްދަލުވުމަށް ކުޑަތަން ވެފައިވަނިކޮށް އެމެރިކާގެ ސެކްރެޓަރީ އޮފް ސްޓޭޓް އެންތަނީ ބްލިންކަން އާއި ގަތަރުގެ ބޮޑުވަޒީރު ޝޭޚް މުހައްމަދު ބިން އަބްދުއްރަހްމާން އަލް-ތާނީ މަޝްވަރާތަކުގައި ބައިވެރިވާ ހުރިހާ ފަރާތްތަކަކަށް ގުޅުއްވާ މަޝްވަރާގެ މުހިންމުކަން ކުޑަވެދާނެ އެއްވެސް ކަމެއް ނުކުރުމަށް އެދިވަޑައިގެންނެވި ކަމަށް ރިޕޯޓްތައް ބުނެއެވެ.
ހަނގުރާމަ ހުއްޓާލުމުގެ މަޝްވަރާތަކުގެ ވާހަކަ ދައްކަމުން ދިޔަޔަށް އިޒްރޭލުން ފަލަސްތީން މީހުންނަށް ދޭ ހަމާލާތަކާ އެ ހަމަލާތަކުގައި މަރުވާ މީހުންގެ އަދަދަށް ކުޑަވެސް މެދުކެނޑުމެއް އައިސްފައެއް ނުވެއެވެ.
އޮކްޓޯބަރު 7 ގެ ފަހުން ޣައްޒާ އަށް އިޒްރޭލުން ދެމުންދާ ހަމަލާތަކުގައި 40،005 މީހުން ފަލަސްތީނުން ޝަހީދުވެފައިވެއެވެ. އޭގެ އިތުރުން 92،401 މީހުން ވަނީ ޝަހީދުވެފައެވެ.
