ކޮންޓެއިނާ ސްކޭނަރެއް ލިބިއްޖެނަމަ ހިދުމަތް އިތުރަށް ހަލުއިކުރެވޭނެ: މާނިއު
އެއާޕޯޓުތައް ބައިނަލްއަގުވާމީ އެއާޕޯޓުތަކަށް ބަދަލުކުރާއިރު އެތަންތަނުގައި އިންޓަނޭޝަނަަލް އެއާޕޯޓުތަކުގައި ހުންނަންޖެހޭ ސަލާމަތީ ހިދުމަތްތަކާއި ވަސީލަތްތައް ނެތް
ކޮމިޝަނާ ޖެނެރަލް އޮފް ކަސްޓަމްސް ޔޫސުފު މާނިއު މުހައްމަދު
ކޮންޓެއިނާ ސްކޭނަރެއް ލިބިއްޖެނަމަ ކަސްޓަމްސްގެ ހިދުމަތް އިތުރަށް ހަލުއިކުރެވޭނެ ކަމަށް ކޮމިޝަނާ ޖެނެރަލް އޮފް ކަސްޓަމްސް ޔޫސުފު މާނިއު މުހައްމަދު ވިދާޅުވެއްޖެއެވެ.
ރައްޔިތުންގެ މަޖިލީހުގެ ސަލާމަތީ ހިދުމަތްތަކާ ބެހޭ ކޮމިޓީގައި ވާހަކަ ދައްކަވަމުން މާނިއު ވިދާޅުވީ އެމްޕީއެލްގެ ބަނދަރުގެ ޖާގައިގެ ދަތިކަން ވަރަށް ބޮޑު ކަމަށާއި ބަނދަރަށް ކޮންޓެއިނާ ސްކޭނަރެއް ބޭނުންވާ ކަމަށެވެ. ކޮންޓެއިނާ ސްކޭނަރެއް ލިބިއްޖެނަމަ ކަސްޓަމްސް ހިދުމަތް އިތުރަށް ހަލުއިކުރެވޭނެ ކަން މާނިއު ފާހަގަކުރެއްވިއެވެ.
ހިދުމަތް ފޯރުކޮށްދިނުމަށް ދިމާވާ އިތުރު ގޮންޖެހުމެއްގެ ގޮތުގައި މާނިއު ފާހަގަކުރެއްވީ ޑޮމެސްޓިކް އެއާޕޯޓުތަކުގެ ރިކުއާމެންޓަށް އެއާޕޯޓުތައް ތަރައްގީ ކުރުމަށްފަހު، އެ އެއާޕޯޓުތައް ބައިނަލްއަގުވާމީ އެއާޕޯޓުތަކަށް ބަދަލުކުރާއިރު އެތަންތަނުގައި އިންޓަނޭޝަނަަލް އެއާޕޯޓުތަކުގައި ހުންނަންޖެހޭ ސަލާމަތީ ހިދުމަތްތަކާއި ވަސީލަތްތައް ނެތުމެވެ.
ކަސްޓަމުގެ ހިދުމަތް ފޯރުކޮށްދިނުމަށް ދިމާވާ އިތުރު ގޮންޖެހުމެއްގެ ގޮތުގައި މާނިއު ފާހަގަ ކުރެއްވީ ޑޮމެސްޓިކް އެއާޕޯޓުތަކުގެ ރިކުއާމެންޓަށް އެއާޕޯޓުތައް ތަރައްގީ ކުރުމަށްފަހު، އެ އެއާޕޯޓުތައް ބައިނަލްއަގުވާމީ އެއާޕޯޓުތަކަށް ބަދަލުކުރާއިރު އެތަންތަނުގައި އިންޓަނޭޝަނަަލް އެއާޕޯޓުތަކުގައި ހުންނަންޖެހޭ ސަލާމަތީ ހިދުމަތްތަކާއި ވަސީލަތްތައް ނެތުމެވެ.
ކަސްޓަމުން މައިގަނޑު ގޮތެއްގައި ކުރާ މަސައްކަތަކީ ގާނޫނު ތަންފީޒު ކުރުމާއި ވިޔަފާރިއަށް މަގުފަހި ކުރުމުގެ މަސައްކަތްތައްކަން ފާހަގަކުރައްވާ މާނިއު ވަނީ އެކަށީގެންވާ ގޮތަށް ހިދުމަތް ފޯރުކޮށްދިނުމަށް ބޭނުންވާ އަދަދަށްވުރެ މަދުވެގެން 330 މުވައްޒަފުން އެ އިދާރާގައި މަދު ކަމަށް ވިދާޅުވެފައެވެ.
މާނިއު ވިދާޅުވީ ކަސްޓަމްސްގެ މަސައްކަތް ޑިޖިޓައިޒްކޮށް ކޮމްޕިއުޓަރައިޒް ކުރުމުގެ މަސައްކަތް ކުރަމުންދާ ކަމަށެވެ. އެގޮތުން މުހިންމު ތަންތަނުގައި ކެމެރާ ހަރުކޮށް ނުރައްކާތައް ދެނެގަތުމަށް އާޓިފިޝަލް އިންޓެލިޖެންސްގެ ބޭނުންކުރަމުގެ މަސައްކަތް އެ އިދާރާއިން ކުރަމުންދާ ކަމަށްވެސް ކޮމިޝަނާ ޖެނެރަލް އޮފް ކަސްޓަމްސް ވިދާޅުވިއެވެ.
