މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ)ގެ ދުވަސްވީ މުވައްޒަފަކު ވަޒީފާއިން ވަކިކޮށްފިއެވެ.
ވަޒީފާއިން ވަކި ކުރާނެކަން އަންގާފައިވަނީ އެ ކުންފުނީގައި ގިނަ އަހަރުތަކެއް ވަންދެން މަސައްކަތް ކޮށްފައިވާ އިބްރާހިމް އާސިމެވެ. އޭނާއަކީ ރާއްޖޭގައި ޓޫރިޒަމް އިޝްތިހާރު ކުރަން އުފައްދާފައިވާ، ޓޫރިޒަމް ޕްރޮމޯޝަން ބޯޑުގައިވެސް މަސައްކަތް ކުރައްވާފައިވާ ފަރާތެކެވެ.
އޭގެ އިތުރުން، އެ ކުންފުނީގެ ޑެޕިއުޓީ މެނޭޖިންގ ޑިރެކްޓަރުގެ މަޤާމުގައި ހުރި މުހައްމަދު ބައްސާމު އާދަމްވެސް ވަކި ކޮށްފައިވެއެވެ.
އެމީހުން މަޤާމުން ވަކި ކުރަން ނިންމާފައިވަނީ ހޯމަ ދުވަހު ބޭއްވި އެ ކުންފުނީގެ ބޯޑު ބައްދަލުވުމުގައެވެ.
ބޮޑެތި މަޤާމުތަކަށް މީހުން އައްޔަނު ކުރާއިރު، އާދައިގެ ވަޒީފާތަކުގައި ތިބި މީހުން ވަކިކުރުން ހުއްޓާލަން ގޮވާލައި އެމްޑީޕީން ހުށަހެޅި ކުއްލި މައްސަލަވެސް އަންގާރަ ދުވަހު ވަނީ ބޭރުކޮށްލާފައެވެ.
