ޖުމްހުރީ މައިދާނުގައި ދިއްލާފައި ހުރި ބައެއް އީދު ލައިޓުތަކުގެ ކޭބަލްތައް ވަގަށް ނަގައިފި
16 ޖޫން 2024 | އާދީއްތަ 03:23އީދަށް މާލެ ޒީނަތްތެރި ކުރުމަށް ތަފާތު ކުލަތަކުގެ އަލިތަކުން ދިއްލުންތައް ވަނީ ބަހައްޓާފައި
ޖުމްހުރީ މައިދާނުގައި ދިއްލާފައި ހުރި ބައެއް އީދު ލައިޓުތައް
ޖުމްހުރީ މައިދާނުގައި ދިއްލާފައި ހުރި ބައެއް އީދު ލައިޓުތަކުގެ ކޭބަލްތައް ވަގަށް ނަގައިފިއެވެ.
ރާއްޖެ އެމްވީ އަށް މައުލޫމާތުދެއްވަމުން ސިޓީ ކައުންސިލްގެ އޮފިޝަލަކު ވިދާޅުވީ ޖުމްހޫރީ މައިދާނުގައި ދިއްލާފައި ހުރި ބައެއް އީދު ލައިޓުތަކުގެ ކޭބަލް ވަގަށް ނަގާފައިވާކަން އެނގުނީ ހޮނިހިރު ދުވަހުގެ ރޭގެ ވަގުތެއްގައި ކަަމަށެވެ. އަދި އެ މައްސަލަ ފުލުހުންނަށް ހުށަހަޅާފައިވާ ކަމަށް އޭނާ ވަނީ ވިދާޅުވެފައެވެ. ސިޓީ ކައުންސިލް އިން ވަނީ މި ޢީދު ދުވަހާއި ދިމާކޮށް، މާލޭގެ އެކި ސަރަހައްދުތައް ޒީނަތްތެރިކުރުމުގެ މަސައްކަތް ކޮށްފައެވެ. އޭގެ ތެރެއިން ޖުމްހޫރީ މައިދާނުގައި ޢީދު ލައިޓްތަކުގައި ހުރި ކޭބަލްތައް ވަގަށް ނަގާފައިވާކަން އެނގުނީ ލައިޓްތައް ދިއްލުމަށްޓަކާ މަސައްކަތްކުރި އިރު ބައެއް ލައިޓްތައް މަސައްކަތް ނުކުރާތީ ބެލި ބެލުމުގެ ތެރޭގައެވެ.
ޢީދު ދުވަހާއި ދިމާކޮށް މާލޭގައި ވެސް ތަފާތު ހަރަކާތްތައް ބޭއްވުމަށް ވަނީ ހަމަޖެހިފައެވެ. އެގޮތުން ޢީދު މަޅި ރޯކުރުމާއި، އީދު ކުޑަކުދިންގެ ހަވީރު އަދި ޢީދު ޝޯ ފަދަ ހަރަކާތްތައް ކުރިއަށް ގެންދިއުމަށް ވަނީ ހަމަޖެހިފައެވެ.
