ޓީމާ މެދު އަހަރެން ފަހުރުވެރިވަން: ޕީއެސްޖީގެ ވެރިޔާ
8 މެއި 2024 | ބުދަ 05:58ފަސް އަހަރު ތެރޭގައި ތިން ސެމީ ފައިނަލް ކުޅެފިން: ނަސީރު އަލް ހެއްލައިފީ
ނަސީރު އަލް ހެއްލައިފީ (ކ) ލުއިސް އެންރީކޭ (ވ)
ޗެމްޕިއަންސް ލީގުގެ ފައިނަލަށް ނުދެވުނަސް އޭނާގެ ޓީމާމެދު ފަހުރުވެރިވާ ކަމަށް ޕީއެސްޖީގެ ވެރިޔާ ނަސީރު އަލް ހެއްލައިފީ ވިދާޅުވެއްޖެ އެވެ.
އަމިއްލަ ދަނޑުގައި ރޭ ކުޅުނު ޗެމްޕިއަންސް ލީގުގެ ސެމީ ފައިނަލުގައި ޖަރުމަނުގެ ބޮރޫޝިޔާ ޑޯޓްމުންޑް އަތުން ބަލިވި މެޗަށް ފަހު ވާހަކަ ދައްކަމުން ގަތަރުގެ މުއްސަނދި ވިޔަފާރިޔާ ވިދާޅުވީ އޭނާގެ ޓީމަކީ ޔޫރަޕުގައި އޮތް އެންމެ ޒުވާން ޓީމު ކަމަށެވެ.
އޭނާ ވިދާޅުވީ ދުނިޔޭގެ ފެންވަރުގެ ތަރިންނާއެކު މިދިޔަ ދެ އަހަރު ޕީއެސްޖީއަށް ނުލިބުނު ކާމިޔާބީ މިހާރު ލިބެން ފަށައިފި ކަމަށާއި އެކަމުގެ ޝުކުރު އޮތީ މި ސީޒަނުގައި ޓީމާ ހަވާލުވި ކޯޗު ލުއިސް އެންރީކޭ އަށް ކަމަށެވެ.
މެޗަށް ފަހު ކޯޗު ލުއިސް އެންރީކޭ ބުނީ ބަލިވިއިރު ހުރިހާ ކުޅުންތެރިން ވެސް ވަރަށް މަސައްކަތް ކުރި ކަމަށާއި ޗެމްޕިއަންސް ލީގަކީ ވަރަށް އުނދަގޫ މުބާރާތެއް ކަމަށެވެ. އަދި މި ފަހަރުގެ ފައިނަލާ ހަމައަށް ނުދެވުނަސް މިހާރުގެ ޓީމު އިތުރަށް ވަރުގަދަކޮށް ޕީއެސްޖީން އަލުން މަސައްކަތް ފަށައިގަންނާނެ ކަމަށެވެ.
