އަނަސްގެ މަރުގެ މައްސަލައިގެ ކުށް ސާބިތުނުވި އެންމެންގެ ބައި އިސްތިއުނާފުކޮށްފި

ރ.މީދޫ ފެންފިޔާޒުގޭ މުހައްމަދު އަނަސް މަރުގެ މައްސަލައިގެ ހުކުމް ދިވެހި ރާއްޖޭގެ ހައިކޯޓުގައި އިސްތިއުނާފް ކޮށްފިއެވެ.

މި މައްސަލަ އިސްތިއުނާފު ކޮށްފައިވަނީ ހޯމަ ދުވަހުއެވެ.

6 އަހަރަށްފަހު އަނަސްގެ މަރުގެ ހުކުމް އެއްވެސް މީހެއްގެ މައްޗަށް ކުށް ސާބިތެއް ނުވާ ކަމަށް ކްރިމިނަލް ކޯޓުން ނިންމާފައިވަނީ 25 ފެބްރުއަރީ 2024 ވީ އާދިއްތަ ދުވަހެވެ.

އަނަސް މަރާލާފައިވަނީ، 2017 ވަނަ އަހަރުގެ ޖުލައި މަހުގެ 31 ވަނަ ދުވަހުގެރެއެވެ. އަނަސް މަރާލާފައިވަނީ އޭނާ ފަހާ ދުވަމުން ގޮސް، ލިޓަސް ސަރވިސް ސެންޓަރު ތެރެއަށް އޭނާ ވަނުމުން، ފަހަތުން ގޮސް ހަމަލާދީގެންނެވެ.