ކެންސަރާ ދެކޮޅަށް އިންޤިލާބީ އީޖާދެއް!

އުފެއްދި ޓީމުން ވަކާލާތު ކުރާ ގޮތުގައި އެއީ މުޅި ދުނިޔޭގައިވެސް މިހާތަނަށް އުފެއްދި އެފަދަ އެންމެ ފުރަތަމަ ޑިވައިސްއެވެ. މި ދައްކަނީ އިންސާނާގެ ހަށިގަނޑުގައި ވާ ސެލްތަކުގެ ވިއުގާގައި ދަތުރުކޮށް، ވަކިވަކި ސެލްތަކަށް އަމާޒުކޮށްގެން ސްޓިމިއުލޭޓް ނުވަތަ ހަރަކާތްތެރި ކުރެވޭ މައިކްރޯރޮބޮޓެކެވެ.

ޓެކްނިކަލް ޔުނިވަރސިޓީ އޮފް މިއުނިކް (ޓީޔޫއެމް)ގެ ނެނޯ އެންޑް މައިކްރޯރޮބޮޓިކްސް ޕްރޮފެސަރ، ބޭރްނަރ އޮޒްކޭލެ އެޑެލްމަން އަދި ދިރާސާ ޓީމުގެ ލީޑަރެވެ. ކެންސަރު ނުވަތަ އެހެން ބަލިތަކާ ކުރިމަތިލާ ބަލިމީހުންނަށް، ފަރުވާ ދޭނެ އައު ގޮތްތަކެއް ހޯދުމުގެ ފުރުސަތު، މި ހޯދުނު ހޯދުމުގެ ސަބަބުން އެބަ އޮތް ކަމަށް ޕްރޮފެސަރ އެޑެލްމަން ވަނީ ފާހަގަ ކުރައްވާފައެވެ.

އެ ވަރުން އަދި ނިމުނީއެއް ނޫނެވެ. ދިރާސާ ޓީމުން ވަނީ، މަދު މިނެޓް ކޮޅެއްގެ ތެރޭގައި މިފަދަ އެތައް މިލިއަން މައިކްރޯރޮބޮޓެއް އުފެއްދިދާނެ ގޮތްވެސް ހޯދާފައެވެ. މިއިން ރޮބޮޓެއްގެ ބޮޑު މިނަކީ އިންސާނެއްގެ ބޮލުގެ އެންމެ އިސްތައްޓެއް ވަށަމިނުގެ ދެބައިކުޅަ އެއްބައިހާ މިންވަރެވެ. މޫދުވިނައިން އުފައްދާފައިވާ މި ރޮބޮޓްތަކަކީ ސައިޒްގެ ގޮތުން ބަލާއިރު، އިންސާނގެ ހަށިގަނޑުގައިވާ ސެލްތަކާ އެވަރުގެ ރޮބޮޓްތަކެކެވެ. އިންސާނުންގެ ހަށިގަނޑުގައި ހުންނަ ސެލްތައް ހާ މަޑުވެސްމެއެވެ. ނެނޯމެޓީރިއަލްތައް ބޭނުންކޮށްގެން އުފައްދާފައިވާ މި ރޮބޮޓްތަކަކީ ވަޔަލަސް ނުވަތަ ވާތަކެއް ގުޅަން ނުޖެހި ބޭނުން ކުރެވޭ ރޮބޮޓްތަކެކެވެ.

ފިލިޕް ހަރޑަރ އަކީ މަޝްރޫޢުގައި މަސައްކަތް ކުރާ، ޕީއެޗްޑީއަށް ކިޔަވަމުން އަންނަ ދަރިވަރެކެވެ. ހަރޑަރ ތަފްސީލު ކޮށްދިން ގޮތުގައި، ރޮބޮޓްތައް އޮޕަރޭޓް ކުރަނީ ލެޒަރގެ އެހީގައެވެ.

މި ޓެކްނޮލޮޖީގެ ސަބަބުން ކެންސަރު ބަލި މީހުންނަށް މި ވަގުތުން ވަގުތަށް އެހީތެރިކަމެއް ނުލިބުނު ނަމަވެސް، ބަޔޯއިންޖިނިއަރުންނާއި، މިހާރު ކުރިއަށްދާ ބޭސްވެރިކަމުގެ ދިރާސާތަކަށް އެހީތެރިކަން ފޯރުކޮށްދީފައި ވާނެ ކަމަށް ދިރާސާގެ އިސް ލީޑަރ، ޕޮރޮފެސަރ އެލްޑަމަން ވަނީ ފާހަގަ ކޮށްފައެވެ.

ޓެކްނިކަލް ޔުނިވަރސިޓީ އޮފް މިއުނިކްގެ ޓެކްނޮލޮޖީ ސެންޓަރަކީ މިފަދަ ޓެކްނޮލޮޖީގެ ރޮނގުން މަސައްކަތްކުރާ، ދުނިޔޭގެ އެންމެ އިސް ދިރާސާ މަރުކަޒުތަކުގެ ތެރޭގައި ގުނާލެވޭ ތަނެކެވެ.