ކެނެޑާގެ ލިބަރަލް ޕާޓީއާ މަޝްވަރާ ކުރަން ފަސޭހަ ވާނެ: ޓްރަމްޕް
ޓްރަމްޕް ވިދާޅުވީ ކޮންސަވޭޓިވް ޕާޓީގެ ލީޑަރު ދައްކަވާފައިވާ ނުރަނގަޅު ވާހަކަ ތަކުގެ ސަބަބުން، އޭނާއާ މެދު އަޅާލަން ބޭނުންފުޅު ނުވާ ކަމަށެވެ.
އެމެރިކާގެ ރައީސް ޑޮނަލްޑް ޓްރަމްޕް, ވައިޓް ހައުސްގެ ހުންނަ އޯވަލް އޮފީހުގައި ދެއްވި އިންޓަވިޔުއެއްގެ ތެރެއިން
ކެނެޑާގެ ލިބަރަލް ޕާޓީ އާއެކު މަޝްވަރާކޮށް، މަސައްކަތް ކުރަން ފަސޭހަ ވާނެ ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެ އެވެ.
ޓްރަމްޕް ވިދާޅުވީ ކެނެޑާ ގައި ކުރިއަށް އޮތް އިންތިޚާބު ލިބަރަލް ޕާޓީ އިން ކާމިޔާބު ކުރިޔަސް އެއީ މައްސަލައެއް ނޫން ކަމަށެވެ.
ފޮކްސް ނިއުސް އަށް ދެއްވި އިންޓަވިއުއެއްގައި އޭނާ ވިދާޅުވީ، ކޮންޒަވޭޓިވް ޕާޓީއަށް ވުރެ ލިބަރަލް ޕާޓީއާ އެކު މަސައްކަތް ކުރަން ފަސޭހަ ވާނެ ކަމަށެވެ.
ޓްރަމްޕްގެ މި ވާހަކަތައް އައިސްފައި ވަނީ ކެނެޑާގެ ކުރިއަށް އޮތް އިންތިޚާބާ ގުޅޭ ގޮތުން ސުވާލު ކުރުމުންނެވެ. އަދި ޓްރަމްޕް ވަނީ ކޮންޒަވޭޓިވް ޕާޓީގެ ލީޑަރު ޕިއޭ ޕޮއިލީވްރެއާ އަށް ފާޑު ވިދާޅުވެފަ އެވެ.
ޓްރަމްޕް ވިދާޅުވީ ކޮންޒަވޭޓިވް ޕާޓީގެ ލީޑަރު ދައްކަވާފައިވާ ނުރަނގަޅު ވާހަކަ ތަކުގެ ސަބަބުން، އޭނާއާ މެދު އަޅާލަން ބޭނުންފުޅު ނުވާ ކަމަށެވެ.
ކެނެޑާގެ ލިބަރަލް ޕާޓީން އިން އަންނަނީ 2015 ވަނަ އަހަރުން ފެށިގެން އެ ޤައުމުގައި ވެރިކަން ކުރަމުންނެވެ. އެންމެ ފަހުން ބޮޑު ވަޒީރު ކަމުގައި ހުންނެވި ޖަސްޓިން ޓްރޫޑޯ މަގާމުން އިސްތިއުފާ ދެއްވަން ނިންމެވުމާ އެކު، ކެނެޑާގެ އައު ބޮޑު ވަޒީރަކަށް އިންތިޚާބު ކޮށްފައި ވަނީ މާކް ކާނީ އެވެ.
ލިބަރަލް ޕާޓީގެ ލީޑަރު ކަމާއި، ކެނެޑާގެ ބޮޑު ވަޒީރު ކަމަށް ކާނީ ވަޑައިގެންނެވުމާ އެކު، އެ ޕާޓީގެ މަގުބޫލުކަން އިތުރު ވަމުން އަންނަ ކަމަށް ސިޔާސީ މަސްރަހު ދިރާސާ ކުރާ ފަރާތްތަކުން އަންނަނީ ބުނަމުންނެވެ.
އެހެން ނަމަވެސް، ލިބަރަލް ޕާޓީން ސިފަ ކުރާ ގޮތުގައި، ކޮންޒަވޭޓިވް ޕާޓީގެ ލީޑަރު ޕޮއިލީވްރެ އަކީ ޓްރަމްޕް ފަދަ މަޤުބޫލު އަދި ވަރުގަދަ ސިޔާސީ ލީޑަރެކެވެ.
ކެނެޑާގެ އާންމު އިންތިޚާބު ބޭއްވުމަށް ހަމަޖެހިފައި ވަނީ މި އަހަރުގެ އޮކްޓޫބަރު މަހުގެ 20 ވަނަ ދުވަހުގެ ކުރިންނެވެ.
ޓްރަމްޕްގެ މި ވާހަކަތަކާ ގުޅިގެން ކޮންޒަވޭޓިވް ޕާޓީން މިހާތަނަށް އެއްވެސް އެއްޗެއް ބުނެފައެއް ނުވެ އެވެ. އެހެން ނަމަވެސް، ޕޮއިލީވްރެ ވަނީ "ކެނެޑާ ފަސްޓް" ސިޔާސަތު ކުރިއަށް ގެންދަވާނެ ކަމަށް ވިދާޅުވެފައި އެވެ.
