ކަކުލަށް ތަދުވެ، ބްރެޒިލާ ދެކޮޅަށް ކޭން އަށް ނުކުޅެވިދާނެ

ގޯލް ނެޓުގައި އަޅައިގަނެފައި ކަކުލަށް ލިބުނު ހާނިއްކައިގެ ސަބަބުން އިނގިރޭސި ގައުމީ ކެޕްޓަން ހެރީ ކޭން އަށް ބްރެޒިލާ ދެކޮޅަށް ނުކުޅެވިދާނެ ކަމަށް ކޯޗު ގެރެތް ސައުތުގޭޓް ބުނެފި އެވެ.

ކޭން އަށް އަނިޔާވީ އޭނާގެ ކުލަބު ބަޔާން މިއުނިކް ބުންޑަސްލީގާގައި އެންމެ ފަހުން ކުޅުނު މެޗުގަ އެވެ.

އިނގިރޭސި ކޯޗު ގެރެތް ސައުތު ގޭޓް ބުނީ މި ސީޒަނުގައި 31 ގޯލު ޖަހާފައިވާ ފޯވަޑްގެ ބޭނުން އޭނާ ހިފާނީ ވަރަށް ރަނގަޅަށް ވިސްނާފަ އެވެ. ސަބަބަކީ އަންނަ ޖޫން މަހު ކުޅޭ ޔޫރޯ ފުޓްބޯޅަ މުބާރާތުގެ ކުރިން ކުޅުންތެރިންނަށް ބޮޑެތި އަނިޔާތަކެއްވެ، އެ މުބާރާތް ނުކުޅެވޭގޮތްވިޔަ ނުދޭން ކަމަށެވެ.

ކޭން އަކީ 2018 ވަނަ އަހަރުގެ ވޯލްޑްކަޕުގެ އެންމެ ގިނަ ގޯލު ޖެހި ކުޅުންތެރިޔާ އެވެ. އަދި 2020ގެ ޔޫރޯގައި އިނގިރޭސި ޓީމަށް އެންމެ ގިނަ ގޯލު ޖަހައިދިން އެއް ކުޅުންތެރިޔާ އެވެ. މިހެންވެ އޭނާ ނުލައި އިނގިރޭސި ފޯވަޑް ލައިން ފުރިހަމަނުވާނެ ކަމަށް އެންމެންވެސް ދެކެއެވެ.