ބެލްޖިއަމް ޓީމުން ޑެބްރޫނޭ އަށް ޖާގައެއްނެތް
ކުޅުންތެރިޔާ ހެޔޮ ހާލުގައި ބެހެއްޓުމަކީ ކުލަބުގެ ވެސް ޒިންމާއެއް: ގައުމީ ކޯޗު
ކެވިން ޑި ބްރޭނާ
ބެލްޖިއަމްގެ ގައުމީ ޓީމު މި މަހު ކުޅޭ އެކުވެރިކަމުގެ މެޗުތަކުގައި ޓީމުގައި މިޑްފީލްޑަރު ކެވިން ޑެބްރޫނޭ ނުހިމަނަން ނިންމައިފި އެވެ.
ރިޕަބްލިކް އޮފް އަޔަލޭންޑް އާއި އިންގިރޭސިވިލާތާ ދެކޮޅަށް ކުޅޭ މެޗުގައި އޭނާ ލައްވައި ނުކުޅުވަން ގައުމީ ކޯޗު ނިންމީ އަނިޔާގައި ކުޅުންތެރިޔާ ހުރުމުންނެވެ.
އޭނާ އެންމެ ފަހުން ކުޅުނު މެޗަކީ އިނގިރޭސި ޕްރެމިއާ ލީގުގައި މެންޗެސްޓާ ސިޓީން ލިވަޕޫލާ ދެކޮޅަށް ކުޅުނު މެޗެވެ. މި މެޗުގެ ވަކި ހިސާބަކުން ކޯޗު ޕެޕް ގާޑިއޯލާ ވަނީ އޭނާ ބަދަލުކޮށްފަ އެވެ. ގާޑިއޯލާ މެޗަށް ފަހު ބުނީ ޑެބްރޫނޭ ބޭލީ އެކަށީގެންވާ ވަރަށް ބޯޅަ ނުހިފެހެއްޓެން ފެށުމުން ކަމަށާއި އޭނާ ބޭލުމުން ޓީމުގެ ކުޅުން ރަނގަޅުވި ކަމަށެވެ.
އެ މެޗުގައި އޭނާ ކުޅުނީ އަނިޔާގައި ހުރެގެން ކަމަށް އިނގިރޭސި ނޫސްތަކުން ފަހުން ބުންޏެވެ.
ބެލްޖިއަމްގެ ކޯޗު ޑެމެނިކޯ ޓެޑެސްކޯ ބުނީ އެންމެ ފަހުން ކުޅުނު ދެތިން މެޗުގައި ވެސް ޑެބްރޫނޭ ހުރީ އަނިޔާގައި ކަމަށާއި އެހެން ހުއްޓާ އޭނާ ލައްވައި ކުޅުވައިގެން ދެރަގޮތެއްވާން ބޭނުންނުވާ ކަމަށެވެ.
އޭނާ އަދި ބުނީ އަނިޔާގައި ހުއްޓައި މެންޗެސްޓާ ސިޓީން އޭނާ ލައްވައި ކުޅުވާ ސަބަބުން ސާފު ނުވާ ކަމަށެވެ.
