100 ގޯލާއި 158 އެސިސްޓް، ޑި ބްރޭނާ ވަރެއްނެތް

ކްރިސްޓަލް ޕެލަސް އަތުން ރޭ 4-2އިން މެންޗެސްޓާ ސިޓީ މޮޅުވި މެޗުގެ ތަރިއަކީ ކެޕްޓަން ކެވިން ޑި ބްރޭނާ އެވެ.

އާލިން ހާލަންޑާއި ރިކޯ ލެވިސް ގޯލު ޖެހި ނަމަވެސް ޑި ބްރޭނާ ޖެހި ދެ ވަނަ ގޯލަކީ ސިޓީ އަށް އޭނާ ޖަހައިދިން 100 ވަނަ ގޯލެވެ. އޭނާ ވަނީ 158 ގޯލު ޖަހަން އެހީތެރިވެދީފަ އެވެ.

މެޗަށް ފަހު ކޯޗު ޕެޕް ގާޑިއޯލާ ވަނީ ބެލްޖިއަމްގެ ވައިސް ކެޕްޓަނަށް ހިފެހެއްޓުމެއްނެތި ތައުރީފް ކޮށްފަ އެވެ.

އިތުރަށް އޭނާ ބުނީ ޑި ބްރޭނާ 100 ގޯލުން ދައްކައިދެނީ ސިޓީގައި ހޭދަކުރި އަހަރުތަކުގެ ކާމިޔާބީ ކަމަށެވެ.

މި ސީޒަނުގެ ކުރީކޮޅު ފަސް މަސް ދުވަހު އަނިޔާގެ ސަބަބުން ނުކުޅެހުރި މިޑްފީލްޑަރު މިހާރު ހުރީ ވަރަށް ރަނގަޅު ފޯމެއްގައި ކަން ވެސް ގާޑިއޯލާ ފާހަގަ ކުރި އެވެ.

އުމުރުން މިހާރު 32 އަހަރުގެ މިޑްފީލްޑަރު ސިޓީ އަށް ބަދަލުވީ 205 ވަނަ އަހަރު އެވެ. އޭނާ ވަނީ ބެލްޖިއަމްގެ ގައުމީ ޓީމަށް 99 މެޗުން 26 ގޯލު ޖަހައިދީފަ އެވެ.