ސްޕޯޓްސް ކޮމިޝަނަރު ތޮލާލުގެ އިސްތިއުފާއަށް ގޮވާލާ މުޒާހަރާކޮށްފި
ކްލަބްތަކުގެ ބޯޑު މެމްބަރުން އެންގުމަކާއި ނުލާ ބަދަލުކުރާ ކަަމަށް އެ ފަރާތްތަކުން ވަނީ ތުހުމަތުކޮށްފައި
ސްޕޯޓްސް ކޮމިޝަނަރާ ދެކޮޅަށް ކުރި މުޒާހަރާގެ ތެރެއިން
ސްޕޯޓްސް ކޮމިޝަނަރު މުހައްމަދު ތޮލާލުގެ އިސްތިއުފާއަށް ގޮވާލާ އޭނޭ ދިރިއުޅޭ ގެ ހުންނަ ސަރަހައްދުގައި މުޒާހަރާކޮށްފިއެވެ.
އެ ސަރަހައްދުގައި މުޒާހަރާ ކުރި މީހުންގެ ތެރޭގައި ކްލަބްތަކުގެ ބައެއް ބޯޑު މެންބަރުން ވެސް ހިމެނެއެވެ. އެގޮތުން މި މުޒާހަރާގައި ވެލެންސިއާ ބޯޑުގެ ބައެއް މެންބަރުން ހަރަކާތްތެރިވިއެވެ. މީގެ ކުޑަ ދުވަސްކޮޅެއް ކުރިން ތޮލާލް ވަނީ ކްލަބް ވެލެންސިއާގެ ޗެއާމަންގެ މަގާމުން އަބްދުﷲ އަޒްމީން ވަކި ކުރީ ރަނގަޅަށް ނޫން ކަމަށް ކަނޑައަޅާފައެވެ.
މި މުޒާހަރާގެ ބައިވެރިން ވަނީ ކްލަބްތަކާ މެދު ތޮލާލް ކަންކަން ކުރާ ގޮތާއި މެދު ނުރުހުން ފާޅުކޮށްފައެވެ. ކްލަބްތަކުގެ ބޯޑު މެމްބަރުން އެންގުމަކާއި ނުލާ ބަދަލުކުރާ ކަަމަށް އެ ފަރާތްތަކުން ވަނީ ތުހުމަތުކޮށްފައެވެ. ސްޕޯޓްސް ކޮމިޝަނަރަކީ ސިޔާސީ ކަންކަމުގައި އުޅުމުގެ ހުއްދަ އޮންނަ މިހެއް ނޫނެވެ. ނަމަވެސް މިދިޔަ އާދީއްތަ ދުވަހު އޭނާ ވަނީ ޤަވާއިދާއި ޚިލާފަށް ޢަމަލުކޮށް ޕީޕީއެމް ޕީއެންސީގެ އާއްމުންނަށް މަޖިލިސް ކައިރީގައި މުޒާހަރާކުރުމަށް އެ ޕާޓީގެ މީސްމީޑިއާގެ ޕްލެޓްފޯމެއްގައި ގޮވާލާފައެވެ.
