މެންޗެސްޓަރ ސިޓީ ކްލަބް ވަރލްޑް ކަޕް ފައިނަލަށް

ފީފާ ކްލަބް ވަރލްޑް ކަޕްގެ ފައިނަލުން މެންޗެސްޓަރ ސިޓީ ޖާގަ ހޯދައިފިއެވެ.

މިމުބާރާތުގެ ފައިނަލުން ސިޓީ ފުރަތަމަ ފަހަރަށް ޖާގަ ހޯދީ ސައުދީ އަރަބިއްޔާގައި ކުޅުނު ސެމީފައިނަލްގައި ޖަޕާނުގެ އުރާވާ ރެޑް ޑައިމަންޑްސްގެ މައްޗަށް ކުރިހޯދައިގެންނެވެ. ސިޓީން ކުރިހޯދީ 3-0 ނެވެ. މެޗުގެ ފުރަތަމަ ހާފްގެ އިތުރު ވަގުތުގައި ސިޓީ އަށް ކުރި ލިބުނީ ބައި ގޯލަކުންނެވެ. ދެވަނަ ލަނޑު ދެވަނަ ހާފްގެ ކުރީކޮޅު ޖެހީ ކޮވަސިޗް އެވެ. އަދި ތިންވަނަ ލަނޑު ޖެހީ ބާނާޑޯ ސިލްވާ އެވެ.

މުބާރާތުގެ ފައިނަލަށް ދަތުރުކުރުމުން ސިޓީގެ ކޯޗު ޕެޕް ގާޑިއޯލާ ބުނީ މިއީ އެޓީމްގެ ކުޅުންތެރިންނަށް މިތަށި ހޯދަން ލިބޭ ފަހު ފުރުޞަތަށް ވެދާނެ ކަމަށާއި, އެހެންކަމުން މިއީ ވަރަށް މުހިއްމު އަދި ޚާއްޞަ ފައިނަލެއް ކަމަށެވެ. މީގެކުރިން މިމުބާރާތް އިނގިރޭސި ތިން ކްލަބަކުން ވަނީ ކާމިޔާބުކޮށްފައެވެ. އެއީ މެންޗެސްޓަރ ޔުނައިޓެޑާއި, ލިވަޕޫލާއި, ޗެލްސީ އެވެ.

ސިޓީއަށް މިތަށި މިހާތަނަށް ހޯދިފައި ނެތަސް, ގާޑިއޯލާ ވަނީ ދެ ކެލަބެއްގައި ދެފަހަރު މަތީން މިތަށި ކާމިޔާބުކޮށްފައެވެ. ސިޓީއާއެކު މިތަށި ހޯދަން ފައިނަލްގައި ވާދަކުރަން ޖެހޭނީ ދެކުނު އެމެރިކާގެ ޗެމްޕިއަން ބްރޒިލްގެ ފުލްމިނެންސޭ އާއެވެ. އެޓީމްގައި ހުރި މަޝްހޫރު ތަރިއަކީ ގާޑިއޯލާގެ ބާސެލޯނާއާ ދެކޮޅަށް އެތައް ފަހަރަކު ކުޅުނު ރެއާލްގެ ކުރީގެ ކެޕްޓަން މާސެލޯ އެވެ. ފުލްމިނެންސޭ ފައިނަލުން ޖާގަ ހޯދީ 2-0 ން އަލް އަހުލީ ބަލިކޮށްގެންނެވެ.