ޕޯޗްގަލް ޓީމް ކޮޅަށް، ޕޯޗްގަލް ދެ ކުޅުންތެރިން ލަނޑު ޖަހައިގެން ބާސެލޯނާ ދެވަނަ ބުރަށް

ޕޯޗްގަލްގެ ޕޯޓޯ ކޮޅަށް, ބާސެލޯނާއަށް ކުޅޭ ޕޯޗްގަލްގެ ދެ ކުޅުންތެރިން ލަނޑު ޖަހައިގެން ޗެމްޕިއަންސް ލީގުގެ ދެވަނަ ބުރުގެ ޖާގަ ޔަޤީން ކޮށްދީފިއެވެ.

ޕޯޓޯ އަތުން ބާސެލޯނާ މޮޅުވީ ފަހަތުން އަރާ ދެ ލަނޑު ޖަހައިގެންނެވެ. ނޮކްއައުޓް ބުރުން ބާސެލޯނާ ޖާގަ ހޯދީ 30 ވަނަ މިނިޓްގައި ޕޯޓޯއިން ނެގި ލީޑް އޭގެ މިނިޓެއް ފަހުން ގެއްލުވާލުމަށްފަހު, ދެވަނަ ހާފްގައި ކަންސޭލޯ ޖެހި ލަނޑުން މޮޅުވެގެންނެވެ. ފުރަތަމަ ހާފްގައި ނަތީޖާ ހަމަހަމަކޮށްދިނީ ޕޯޗްގަލްގެ ޔާއޯ ފެލިކްސް އެވެ. ބާސެލޯނާ އަށް މެޗުގައި ދެ ލަނޑުވެސް ޖަހައިދިނީ ޕޯޗްގަލް ކުޅުންތެރިންނެވެ. ބާސެލޯނާގެ ދަނޑުގައި ހޯދި މިމޮޅާއެކު ދެވަނަ ބުރު ޔަޤީންވީ ފަސް މެޗުން 12 ޕޮއިންޓާ އެކުއެވެ.

މިގްރޫޕުން ދެވަނަ ބުރުގެ ދެވަނަ ޖާގަ އަށް ވާދަކުރަނީ ޕޯޓޯ އާއި ޔުކްރެއިންގެ ޝަޚުތަރު ޑޮނެސްކެވެ. މިދެޓީމް ވެސް އޮތީ 9 ޕޮއިންޓާ އެކުއެވެ. ދެވަނަ ބުރުގެ ޖާގަ ޔަޤީންކުރަން ފަހު މެޗުގައި މިދެޓީމް ވާދަކުރަން ޖެހޭނީވެސް އެއް ޓީމް އަނެއް ޓީމާއެވެ.