ފ.އަތޮޅު ވޮލީ މުބާރާތް: އަންހެން ޑިވިޝަންގެ ޗެމްޕިއަންކަން ދަރަނބޫދޫ އަށް

ފ.އަތޮޅު ވޮލީ ބޯޅަ މުބާރާތުގެ އަންހެން ޑިވިޝަންގެ ޗެމްޕިއަންކަން ދަރަނބޫދޫ އިން ހޯދައިފި އެވެ.

މުބާރާާތުގެ ފައިނަލްގައި ބުދަ ދުވަހުގެ ރޭ ދަރަނބޫދޫ ނިކުތީ މަގޫދޫއާ ދެކޮޅަށެވެ. އެ މެޗު ދަރަނބޫދޫ އިން ކާމިޔާބު ކުރީ ސީދާ ތިން ސެޓުންނެވެ.

މެޗުގެ ފުރަތަމަ ސެޓުގައި ވެސް ދެ ޓީމުގެ ފަރާތުން ވަނީ ވާދަވެރި ކުޅުމެއް ފެނިފަ އެވެ. މަގޫދޫ އިން މި ސެޓުގައި ލީޑު ނަގާފައި ވަނިކޮށް، ފަހަތުން އަރައި ދަރަނބޫދޫ އިން ސެޓު ކާމިޔާބު ކުރީ 26-24 އިންނެވެ. ދެ ވަނަ ސެޓު ވަރު ގަދަކޮށް ފަށައި، ދަރަނބޫދޫ އިން މި ސެޓު ކާމިޔާބު ކުރީ ރަނގަޅު ލީޑެއްގައި އޮވެ އެވެ. ދެ ވަނަ ސެޓު ދަރަނބޫދޫ އިން ކާމިޔާބު ކުރީ 25-14 އިންނެވެ. ޖެހިގެން ކުޅުނު ތިން ވަނަ ސެޓު އެ ޓީމުން ކާމިޔާބު ކުރީ 25-9 އިންނެވެ.

މި ޑިވިޝަންގެ އެންމެ މޮޅު ހަ ކުޅުންތެރިންނަކީ، މަގޫދޫގެ ޒުނާާހާ އަޙުމަދު، އާމިނަތު ވަސާމާ، އައިޝަތު ޒުނީތާ، ދަރަނބޫދޫގެ ފާތިމަތު ޠަހޫރާ، ފަޒްލާ އާދަމް އަދި ފީއަލީގެ ލީމް ޢަބްދުލް ލަތީފް އެވެ. މި ޑިވިޝަންގެ އެންމެ މޮޅު ކުޅުންތެރިޔަކަށް ހޮވުނީ ދަރަނބޫދޫގެ ޠަހޫރާ އެވެ. މުބާރާތުގެ އުންމީދީ ކުޅުންތެރިޔަކަށް ފީއަލީގެ ލީމް ހޮވުނުއިރު، އެންމެ މޮޅު ލިބަރޯ އަކީ ނިލަންދޫގެ އަރީމާ ޙަސަން އެވެ. އަންހެން ޑިވިޝަންގެ ކޯޗަކީ ދަރަނބޫދޫގެ ކޯޗު ޔޫސުފް މޫސާ އެވެ.