މެޗުގެ އިތުރު ވަގުތުގެ ޕެނަލްޓީން ނިއުކާސަލް އަތުން ޕީއެސްޖީ އަށް ޕޮއިންޓެއް

ނިއުކާސަލް ޔުނައިޓެޑް މޮޅުވާން ދިޔަ މެޗުގެ އިތުރު ވަގުތުގައި, ރެފްރީ ދިން ޕެނަލްޓީ އަކުން މޮޅުވެ ޕީއެސްޖީން ޕޮއިންޓެއް ހޯދައިފިއެވެ.

ދެޓީމް 1-1 ން އެއްވަރުވުމުން, މިގްރޫޕުން ޗެމްޕިއަންސް ލީގުގެ ދެވަނަ ބުރަށް ދާނެ ޓީމެއް ޔަޤީންވާނީ ގްރޫޕް ސްޓޭޖްގެ ފަހު މެޗަށް ފަހުއެވެ. އެފުރުޞަތު އޮތީ ނިއުކާސަލްއާއި ޕީއެސްޖީގެ ތެރެއިން ޓީމަކަށެވެ. މިގްރޫޕުން މިހާރު ދެވަނަ ބުރު ޔަޤީންކޮށްފައިވަނީ ޖަރުމަނުގެ ބޮރޫޝިޔާ ޑޯޓްމަންޑެވެ. ޕީއެސްޖީގެ ދަނޑުގައި ކުޅުނު މެޗުގެ 24 ވަނަ މިނިޓްގައި އިސާކް ޖެހި ލަނޑުން މެޗުގެ ފުރިހަމަ ވަގުތު ހަމަވެ, އިތުރު ވަގުތުގެ ވެސް ހަތްވަނަ މިނިޓާ ހަމައަށް ނިއުކާސަލް އިން ލީޑް ހިފެހެއްޓިއެވެ. އެވަގުތާ ހަމައަށް ނިއުކާސަލް އޮތީ ގްރޫޕްގެ ދެވަނާގައެވެ. ނިއުކާސަލް ތިންވަނަ އަށް ވެއްޓުނީ އޭރިޔާ ތެރެއިން ނިއުކާސަލް ކުޅުންތެރިއަކު އަތުގައި ބޯޅަ ޖެހުމުން ދިން ޕެނަލްޓީންނެވެ. ވީއޭއާރުން ބަލާ ޔަޤީންކުރުމަށްފަހު ދިން ޕެނަލްޓީ ކާމިޔާބުކުރީ ކެޕްޓަން އެމްބާޕޭ އެވެ.

މިހާރު މިގްރޫޕް އޮތް ގޮތުން އަމިއްލަ ބާރުގައި ދެވަނަ ބުރުގެ ދެވަނަ ޖާގަ ހޯދުމުގެ ފުރުޞަތު އޮތީ ޕީއެސްޖީ އަށެވެ. އެއީ އެއްވަނާގައި އޮތް ޑޯޓްމަންޑް ބަލިކޮށްގެންނެވެ. ނިއުކާސަލް އަށް ފުރުޞަތު އޮތީ ފަހު މެޗުގައި އޭސީ މިލާން އަތުން މޮޅުވި ނަމަވެސް, ޑޯޓްމަންޑް އަތުން ޕީއެސްޖީއަށް މޮޅުނުވެވިއްޖެ ނަމައެވެ.