ހުޅުމާލޭގައި ހިނގި އެކްސިޑެންޓެއްގައި އަނިޔާވި ދެމީހަކަށް ފަރުވާ ދެނީ
27 ނޮވެމްބަރު 2023 | ހޯމަ 09:14މި އެކްސިޑެންޓް ހިނގީ ދެ ސައިކަލާއި ކަރަކާއި ޖެހިގެން
ހުޅުމާލެ ހޮސްޕިޓަލް
ހުޅުމާލޭގައި ހިނގި އެކްސިޑެންޓެއްގައި އަނިޔާވި ދެމީހަކަށް ފަރުވާ ދޭން ފަށައިފިއެވެ.
ފުލުހުން ބުނީ ހުޅުމާލެ މިދިލިމަގުގައި ކާރަކާއި ދެ ސައިކަލު ޖެހި އެކްސިޑެންޓެއް ހިނގާފައިވާ ކަމަށެވެ. އަދި މިއެކްސިޑެންޓްގެ ރިޕޯޓު ހޯމަ ދުވަހުގެ މެންދުރު 12:09 ހާއިރު ފުލުހުންނަށް ރިޕޯޓުކޮށްފައިވާ ކަމަށެވެ.
މި އެކްސިޑެންޓްގައި ދެ ސައިކަލު ދުއްވި ދެމީހުންނަށް އަނިޔާވެގެން ހުޅުމާލެ ހޮސްޕިޓަލުގައި ދަނީ ފަރުވާ ދެމުންދާ ކަމަށް ފުލުހުން ބުނެއެވެ. ނަމަވެސް އެމީހުންނަށް ލިބުނު އަނިޔާގެ ތަފްސީލު ވަނީ ލިބޭގޮތް ނުވެފައެވެ.
ފުލުހުން ބުނީ މި އެކްސިޑެންޓްގައި ހިމެނޭ އުޅަނދުތައް ދުއްވާފައިވަނީ އީ-ކެޓަގަރީގައި އުޅަނދު ދުއްވުމުގެ ލައިސެންސް އޮތް މީހުން ކަމަށެވެ.
މި އެކްސިޑެންޓާއި ގުޅިގެން ބަލަންޖެހޭ ކަންކަން ފުލުހުން ދަނީ ބަލަމުންނެވެ.
