އެމްޑީޕީގެ ރައީސްކަމަށް ވަގުތީ ގޮތުން ކުރީގެ ރައީސް ޞާލިހު އައްޔަންކޮށްފި
23 ނޮވެމްބަރު 2023 | ބުރާސްފަތި 19:25އެގޮތަށް ފާސްކޮށްފައި ވަނީ ބުރާސްފަތި ދުވަހުގެ ރޭ އއ.އުކުޅަހުގައި ބޭއްވި އެމްޑީޕީ ޤައުމީ މަޖިލީހުގެ 4 ވަނަ ދައުރުގެ 9 ވަނަ ބައްދަލުވުމުގަ
އެމްޑީޕީގެ ޤައުމީ މަޖިލީހުގެ ބައްދަލުވުމުގެ ތެރެއިން
މޯލްޑިވިއަން ޑިމޮކްރަޓިކް ޕާޓީ (އެމްޑީޕީ)ގެ ރައީސްކަމަށް ވަގުތީ ގޮތުން ކުރީގެ ރައީސް އިބްރާހިމް މުހައްމަދު ޞާލިހު އައްޔަން ކުރަން ގައުމީ މަޖިލީހުން ފާސްކޮށްފިއެވެ.
އެގޮތަށް ފާސްކޮށްފައި ވަނީ ބުރާސްފަތި ދުވަހުގެ ރޭ އއ.އުކުޅަހުގައި ބޭއްވި އެމްޑީޕީ ޤައުމީ މަޖިލީހުގެ 4 ވަނަ ދައުރުގެ 9 ވަނަ ބައްދަލުވުމުގައެވެ. އެމްޑީޕީގެ ރައީސްކަމަށް ރައީސް ޞާލިހު އައްޔަންކުރަން ހުށަހެޅި ގަރާރު ފާސްވީ، ގައުމީ މަޖިލީހުގައި ބައިވެރިވެވަޑައިގަތް 47 މެމްބަރުންގެ ވޯޓާއި އެކުގައެވެ.
އެމްޑީޕީގެ ޤައުމީ މަޖިލީހުން އެގޮތަށް ފާސްވީ، އެމްޑީޕީގެ ޤައުމީ މަޖިލީހުގެ ތިމަފަރަފުށީ ދާއިރާގެ ރައީސް އަންވަރު އިބްރާހިމް ހުށަހެޅުއްވި ގަރާރަކާއި އެކުގައެވެ. އެ ގަރާރުގައި ހިމަނާފައި ވަނީ އެމްޑީޕީގެ ރައީސްގެ މަޤާމަށް ވަގުތީގޮތުން ކުރީގެ ރައީސް އިބްރާހިމް މުހައްމަދު ޞާލިހު އައްޔަންކުރަން އިގުރާރުވުމަށެވެ. އަދި ނިމިދިޔަ އެމްޑީޕީގެ ސަރުކާރުގައި ވަޒީރުންގެ މަޖިލީހުގައި ޕާޓީގެ މެމްބަރުންގެ ގޮތުގައި ތިއްބެވި މެމްބަރުންނަކީ މިހާރު އޮތް ޤައުމީ މަޖިލީހުގެ 4 ވަނަ ދައުރު ހަމަވަންދެން، އެ މަޖިލީހުގެ މެމްބަރުންކަމަށް ކަނޑައެޅުމަށް އިގުރާރުވުމަށް ވެސް ހިމަނާފައިވެއެވެ.
އަންވަރުގެ އެ ގަރާރަށް ތާއީދުކުރެއްވީ ގައުމީ މަޖިލީހުގެ މެމްބަރު، އެމްޑީޕީގެ ޗެއަރޕަރސަންގެ ނައިބު އިދާރީ، އިބްރާހިމް ވަހީދެވެ.
