ޒަވީ ހަވާލުވީ އުނދަގޫ ވަގުތެއްގައި، އިންތިހާއަށް އިތުބާރު އެބައޮތް: ޑެކޯ

ބާސެލޯނާގެ ކޯޗުކަމާ ޒަވީ ހަނާންޑޭޒް ހަވާލުވީ ވަރަށް އުނދަގޫ ވަގުތެއްގައި ކަމަށާއި އޭނާ އަށް ކުލަބުގެ ވެރިންގެ ތާއީދު އިންތިހާ އަށް އެބައޮތް ކަމަށް ބާސެލޯނާގެ ސްޕޯޓިން ޑައިރެކްޓަރު ޑެކޯ ބުނެފި އެވެ.

އޭނާ މިހެން ބުނީ މިދިޔަ ސީޒަނުގެ ސްޕެނިޝް ލީގު ކާމިޔާބު ކުރި ނަމަވެސް މި ސީޒަނުގެ ނަތީޖާތައް މަޑުމަޑުން ގޯސްވެފައިވާތީވެ ޒަވީގެ މަގާމު ގެއްލިދާނެ ކަމުގެ ބިރު އޮބައޮތް ކަމަށް ސްޕޭނުގެ މީޑިއާތަކުން ފަތުރަމުންދާ ވާހަކަތަކަށް ރައްދު ދެމުންނެވެ.

ޒަވީއާއެކު ބާސެލޯނާގެ މެދުތެރެއަށް ކުޅުނު ޑެކޯ ބުނީ ކުރީގެ ކެޕްޓަން ޒަވީ ކޯޗުކަމާ ހަވާލުވީ އެކަމަށް ގިނަ ކޯޗުން ޖެހިލުންވި ވަގުތެއްގައި ކަމަށާއި ކުލަބު އަލުން ބިނާކުރުމަށް އެންމެ ރަނގަޅު ކޯޗަކީ ޒަވީ ކަމަށެވެ.

އޭނާ އަދި ބުނީ ޒަވީ ކުލަބާ ހަވާލުވެގެން އަލުން ޓީމު ބިނާކުރަނީ އުނދަގޫ ވަގުތެއްގައި ކަމަށެވެ.

ބާސެލޯނާގެ އަމާޒަކީ މި ސީޒަނުގައި ވެސް ސްޕެނިޝް ލީގު ކާމިޔާބުކޮށް ޗެމްޕިއަންސް ލީގުގައި ކާމިޔާބު ހޯދުމެވެ.