ހަނި މޮޅެއް، އެކަމަކު މެންޗެސްޓަރ ޔުނައިޓެޑަށް މުހިއްމު މޮޅެއް!

އިނގިރޭސި ޕްރިމިއަރ ލީގުގައި މެންޗެސްޓަރ ޔުނައިޓެޑުން ހަނި އެކަމަކު މުހިއްމު މޮޅެއް ހޯދައިފިއެވެ.

އަމިއްލަ ދަނޑުގައި ޔުނައިޓެޑް މޮޅެއް ހޯދީ ލޫޓަން ޓައުންއާ ވާދަކޮށް 1-0 ނެވެ. މެޗުގެ ހަމައެކަނި ލަނޑު ޖެހީ ލިންޑެލޯފް އެވެ. މިއީ 2020 ވަނަ އަހަރުގެ ޑިސެމްބަރު މަހުގެ ފަހުން އޭނާ ޖެހި ފުރަތަމަ ގޯލެވެ. މިއީ ކޯޗު އެރިކް ޓެން ހާގަށް އޮތް ޕްރެޝަރަށް ލިބުނު ހިތްހަމަޖެހުމެކެވެ. ހަނިމޮޅާއެކު ޔުނައިޓެޑް ތާވަލްގެ ހަވަނާގައި އޮތީ 21 ޕޮއިންޓާއެކުއެވެ. 12 މެޗުގެ ތެރެއިން ޔުނައިޓެޑް މޮޅުވީ 7 މެޗުންނެވެ.

ލީގުގައި އެވަޓަން ވަނީ 3-2 ން ކްރިސްޓަލް ޕެލަސް އަތުން މޮޅުވެފައެވެ. އެވަޓަން އޮތީ 14 ޕޮއިންޓާއެކު 14 ވަނާގައެވެ.