ދިއްދޫގައި ލޯންޗެއް ބަންޑުން ޖަހާލައި އަނިޔާ ލިބުނު މީހުންނަށް ފަރުވާ ދެނީ
ލޯންޗުން 10 މީހުން ދަތުރު ކުރި
ދިއްދޫގައި ލޯންޗެއް ބަންޑު ޖެހުމުން އެ ރަށުގެ ރައްޔިތުން އެހީވުމަށް ބަނދަރުމައްޗަށް އެއްވެފައި
ހއ. ދިއްދޫ ނެރުގެ ފައިކައްޓަށް އަރައި ލޯންޗެއް ބަންޑުންވެ އަނިޔާ ލިބުނު ފަރާތްތަކަށް ފަރުވާ ދޭން ފަށައިފިއެވެ.
ދިއްދޫ ކައުންސިލްގެ ރައީސް އަބްދުﷲ ރަޝީދު "ރާއްޖެ އެމްވީ" އަށް ވިދާޅުވީ އެ ހާދިސާ ހިނގީ ލޯންޗު ހއ. ވަށަފަރުން ފުރައިގެން އައިސް ދިއްދޫއަށް ވަންނަން އުޅުމުގެ ތެރޭގައި ނެރު ފައިކައްޓަށް އަރައިގެން ކަމަށެވެ. އެ ލޯންޗުން 10 މީހުން ދަތުރު ކުރި ކަމަށް އޭނާ ވިދާޅުވިއެވެ.
އަބްދުﷲ ވިދާޅުވި ގޮތުގައި ލޯންޗުން ދަތުރު ކުރިކަމަށް ވަނީ ހުސް ވަށަފަރުގެ ރައްޔިތުންނެވެ. ލޯންޗުގައި ކުޑަކުދިން ނެތް ކަމަށާއި 10 މީހުންނަށް އެކި ވަރުގެ އަނިޔާ ލިބުނުއިރު އެކަކު ހޭނާރާ ކަމަށް ވެސް އޭނާ ވިދާޅުވިއެވެ. މި އެންމެންނަށް ފަރުވާ ދެމުންދަނީ ދިއްދޫ ހޮސްޕިޓަލުގައި ކަމަށް ވެސް އޭނާ ވިދާޅުވިއެވެ.
މި މައްސަލަ ފުލުހުން ދަނީ މިހާރު ތަހުގީގު ކުރަމުންނެވެ.
