ހަ ގައުމެއްގައި ވޯލްޑްކަޕް، މިއީ ދެ ފުށް ނުފެންނަ ސިޔާސަތެއް: ޑެޝޯން
10 އޮކްޓޯބަރު 2023 | އަންގާރަ 07:23އެއިރުން ޖެހޭނީ އެއް ބަޔަކު ދަތުރުކޮށްފައި އަނެއްބަޔަކު ދަތުރުނުކޮށް މެޗުތައް ކުޅެން: ޑެޝޯން
ފްރާންސްގެ ކޯޗު ޑެޝޯމްޕްސް
ހަ ގައުމެއްގައި ވޯލްޑްކަޕް ފުޓްބޯޅަ މުބާރާތް ކުޅުމަކީ ދެ ފުށް ފެންނަ ސިޔާސަތެއްނޫން ކަމަށް ބުނެ ފްރާންސްގެ ކޯޗު ޑިޑިއޭ ޑެޝޯން ފީފާ އަށް ފާޑުކިޔައިފި އެވެ.
1998 ވަނަ އަހަރު ކެޕްޓަނެއްގެ ގޮތުން އަދި 2018 ވަނަ އަހަރު ކޯޗެއްގެ ގޮތުން ފްރާންސަށް ވޯލްޑްކަޕް ކާމިޔާބުކޮށްދިން ޑެޝޯން ބުނީ ދެކުނު އެމެރިކާގެ ތިން ގައުމާއި ޔޫރަޕުން ސްޕޭނާއި ޕޯޗުގަލް އަދި އެފްރިކާ ހިސާބުން މޮރޮކޯގައި ކުޅެން އުޅޭ ވޯލްޑްކަޕުން ފައިދާވާނީ ދެކުނު އެމެރިކާގެ ގައުމުތަކަށް ކަމަށެވެ.
އޭނާގެ ފާޑުކިއުން އައިސްފައިމިވަނީ ފީފާގެ ކުރީގެ ރައީސް ޖޯސެޕް ބްލެޓާ ވެސް މި މުބާރާތް ކުޅޭ ގޮތާ ބެހޭ ގޮތުން ފީފާ އަށް ފާޑުކިޔަން ފެށިތާ އެއް ދުވަސް ފަހުންނެވެ. ބްލެޓާ ވެސް ބުނީ މިއީ ވޯލްޑްކަޕުގެ ރޫހު ގެއްލޭނެ ކަމެއް ކަމަށާއި 2030 ވަނަ އަހަރަކީ ވޯލްޑްކަޕް ބާއްވަން ފެށިތާ 100 އަހަރު ފުރޭ އަހަރަށްވުމުން އެ މުބާރާތް ބޭއްވުން އެންމެ ރަނގަޅީ ދެކުނު އެމެރިކާގައި ކަމަށެވެ. ސަބަބަކީ އެއީ ވޯލްޑްކަޕުގެ ފުރަތަމަ މުބާރާތް ބޭއްވި ބައްރަށްވުމުން ކަމަށެވެ.
