ފަލަސްތީން - އިސްރާއީލް ހަނގުރާމައިގައި 18500 އަށް ވުރެ ގިނަ މީހުންގެ ގެދޮރުގެއްލިއްޖެ
10 އޮކްޓޯބަރު 2023 | އަންގާރަ 04:34ހޯމަ ދުވަހު އިސްރާއިލްގެ ޑްރޯން އެއަރ ޑިފެންސް ސިސްޓަމުން ވަނީ ހަމާސްގެ ބައެއް ރޮކެޓް ހަމަލާތައް ނާކާމިޔާބުކޮށްލާފަ
އިސްރާއީލުން ހަމަލާ ދެމުންދާ ފަލަސްތީނުގެ ސަރަހައްދުތައް
ފަލަސްތީނާއި އިސްރާއީލާއި ދެމެދު ކުރަމުންދާ ހަނގުރާމައިގައި ފަލަސްތީންގެ 18500 އަށް ވުރެ ގިނަ މީހުންގެ ގެދޮރުގެއްލިފަވާ ކަމަށް މީޑިއާތަކުން ރިޕޯޓްކޮށްފިއެވެ.
މީޑިއާ ރިޕޯޓްތައް ބުނާ ގޮތުން ހޯމަ ދުވަހުގެ ނިޔަލަށް ފާއިތުވި 24 ގަޑި އިރު ތެރޭގައި ވެސް އެތައް ބަޔަކު ވަނީ ނުރައްކާތެރިކަން ބޮޑުވެފައިވާ ޣައްޒާގެ ސަރަހައްދުތައް ދޫކޮށް ސަލާމަތީ ސަރަހައްދުތަކަށް ދިއުމުގެ މަސައްކަތް ފަށާފައެވެ. މިހާތަނަށް ފަލަސްތީން މީހުންގެ ތެރެއިން ގެދެރުދޫކޮށް ގޮސްފައިވާ މީހުންގެ އަދަަދު 187518 އަށް ވުރެ އިތުރެވެ. މީޑީއާތަކުން ރިޕޯޓްކޮށްފައިވާ ގޮތުން ފަލަސްތީނަށް އިސްރާއީލުން ދެމުންދާ ހަމަލާތަކުގައި 1500 އަށް ވުރެ ގިނަ މީހުން މަރުވެފައިވާކަން މިހާރު ވަނީ ކަށަވަރުވެފައެވެ.
137427 އަށް ވުރެ ގިނަ މީހުން 83 ސްކޫލެއްގައި ވަގުތީ ބޯހިޔާވަހިކަން ވަނީ ހޯދާފައެވެ. 41000 މީހުންގެ ގެދޮރު ވަނީ އެއްކޮށް ސުންނާފަތިވެ ހަލާކުވެފައެވެ. މަރުވި މީހުންގެ ތެރޭގައި އެމެރިކާ އަށް ނިސްބަތްވާ 11 ރައްޔިތުން ވެސް ހިމެނެއެވެ. ހަމާސް ޖަމާއަތުން އިސްރާއިލަށް ދިން ކުއްލި ހަމަލާ އާއި އެކު ފަލަސްތީނަށް އިސްރާއީލުން ދަނީ ނުރައްކާތެރި ހަމަލާތައް މެދުކެނޑުމެއް ނެތި އަމާޒުކުރަމުންނެވެ. ހޯމަ ދުވަހު އިސްރާއިލްގެ ޑްރޯން އެއަރ ޑިފެންސް ސިސްޓަމުން ވަނީ ހަމާސްގެ ބައެއް ރޮކެޓް ހަމަލާތައް ނާކާމިޔާބުކޮށްލާފައެވެ. އެކަން އެގޮތަށް ކުރަން މަގުފަހިވީ ހަމާސްގެ ހަމަލާގެ މައުލޫމާތު ކުރިން އިސްރާއިލަށް ލިބުމުން ކަމަށް ބެލެވުނު ނަމަވެސް އެ މައުލޫމާތު އިސްރާއީލަށް ލިބުނު ގޮތް ސާފެއް ނުވެއެވެ.
ހޮނިހިރު ދުވަހު ހަމާސް ޖަމާއަތުން އިސްރާއިލާއި ދެމެދު ބަދަލުކުރަމުންދާ ހަމަލާތަކުގެ ތެރެއިން ހަމާސް އިން ދިން ހަމަލާއެއްގައި އިސްރާއިލުގެ އަސްކަރިއްޔާގެ ކޮމާންޑިން އޮފިސަރ ލެފްޓިނެންޓް ޖޮނަތަން ސްޓެއިންބަރގް ވަނީ މަރާލާފައެވެ. ހަމާސް ޖަމާއަތުން އިސްރާއިލަށް ހަމަލާދީފައި ވަނީ އިސްރާއިލް ގަނޑިން 06:30 އެހާއިރެވެ. މިއީ މިފަހުން ހަމާސްއިން އިސްރާއިލަށް އަމާޒުކޮށް ދިން އެންމެ ބޮޑު ހަމަލާކަން ފާހަގަކޮށްލެވެއެވެ. ފަލަސްތީނަކީ މިނިވަން ދައުލަތަކަށް ހެދުމަށް ހަމާސް އިން ދަނީ ޖިހާދު ކުރަމުންނެވެ.
