"ނެޝަނަލް އެސޯސިއޭޝަން އޮފް ވިމެން ޖަޖަސް" ކޮންފަރެންސްގައި ރާއްޖެއިން ދެ ފަނޑިޔާރަކު ބައިވެރިވެވަޑައިގެންފި
7 އޮކްޓޯބަރު 2023 | ހޮނިހިރު 08:36ސުޕްރީމް ކޯޓުގެ ފަނޑިޔާރަކާއި، ތ ގުރައިދޫ މެޖިސްޓްރޭޓު ކޯޓުގެ އިސް މެޖިސްޓްރޭޓު ބައިވެރިވެވަޑައިގެންނެވި
ސުޕްރީމް ކޯޓުގެ ފަނޑިޔާރާއި، ތ ގުރައިދޫ މެޖިސްޓްރޭޓު ކޯޓުގެ އިސް މެޖިސްޓްރޭޓް
އަންހެން ފަނޑިޔާރުންނަށް ޚާއްސަކޮށްގެން އެމެރިކާގެ އިންޑިއާނާގައި ކުރިއަށްގެންދާ "ނެޝަނަލް އެސޯސިއޭޝަން އޮފް ވިމެން ޖަޖަސް" ގެ 45 ވަނަ އަހަރީ ކޮންފަރެންސްގައި ރާއްޖޭގެ ދެ އަންހެން ފަނޑިޔާރަކު ބައިވެރިވެވަޑައިގެންފިއެވެ.
ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނުން ބުނީ، ރާއްޖޭގެ ދެ ފަނޑިޔާރަކު މި ކޮންފަރެންސްގައި ބައިވެރިވެވަޑައިގެންފައިވާކަމަށެވެ.
އޭގެ ތެރޭގައި ހިމެނެނީ ސުޕްރީމް ކޯޓުގެ ފަނޑިޔާރަކާއި، ތ ގުރައިދޫ މެޖިސްޓްރޭޓު ކޯޓުގެ އިސް މެޖިސްޓްރޭޓެވެ.
މި ކޮންފަރެންސަކީ އެމެރިކާގެ ޑިޕާޓްމަންޓް އޮފް ޖަސްޓިސްއާއި، އޮފީސް އޮފް އޯވަސީސް ޕްރޮސެކިއުޓޯރިއަލް ޑިވޮލޮޕްމަންޓް އެސިސްޓެންސް އެންޑް ޓްރެއިނިންގ (އޯޕީޑީއޭޓީ) އިން އިންތިޒާމުކޮށްގެން ކުރިއަށްގެންދާ ކޮންފަރެންސެކެވެ.
