އެމެރިކާގެ ހައުސްގެ ރައީސް މަގާމުން ދުރުކޮށްފި
4 އޮކްޓޯބަރު 2023 | ބުދަ 08:55އޭނާއާ ދެކޮޅަށް 216 މެންބަރުން ވޯޓު ދިން
އެމެރިކާގެ ގާނޫނު ހަދާ މަޖިލީހުގެ ތިރިގެ ހައުސް އޮފް ރެޕްރެޒެންޓެޓިވްސްގެ ރައީސް ކެވިން މެކާތީ
އެމެރިކާގެ ގާނޫނު ހަދާ މަޖިލީހުގެ ތިރިގެ، ހައުސް އޮފް ރެޕްރެޒެންޓެޓިވްސްގެ ރައީސް ކެވިން މެކާތީ މަގާމުން ދުރުކޮށްފިއެވެ.
މިއީ، އެމެރިކާގެ ތާރީޚުގައިވެސް ހައުސްގެ ރައީސެއްގެ މައްޗަށް އިތުބާރު ނެތް ކަމަށް ފާސްކޮށް، މަޤާމުން ވަކި ކޮށްފައިވާ ފުރަތަމަ ފަހަރެވެ. ކެވިން މެކާތީ މަގާމުން ދުރުކޮށްފައި ވަނީ ހަނިގޮތަކަށް ސަރުކާރު ބަންދުކުރުން ހުއްޓުވިތާ ދުވަސްކޮޅެއް ފަހުންނެވެ. ހައުސްގައި އަޣުލަބިއްޔަތު ބޮޑީ އިދިކޮޅު ރިޕަބްލިކަން ޕާޓީގެއެވެ.
އިތުބާރު އޮތްތޯ ބެލުމަށް ނެގި ވޯޓުގައި އޭނާއާ ދެކޮޅަށް 216 މެންބަރުން ވޯޓު ދިނެވެ. އޭނާއަށް ތާއިދުކޮށްފައިވަނީ 210 މެންބަރުންނެވެ. މަގާމުން ދުރުކުރަން ވޯޓުދިން މެންބަރުންގެ ތެރޭގައި ކެވިން ނިސްބަތްވެވަޑައިގަންނަވާ ރިޕަބްލިކަން ޕާޓިގެ މެންބަރުން ވެސް ހިމެނެއެވެ. މި ވޯޓަކީ ގާނޫނު ހަދާ މަޖިލީހުގެ ތާރީހުގައި ވެސް ނިސްބަތުން މަދު މެންބަރުން ހިމެނޭ ގްރޫޕަކުން މަޖިލީހުގެ ލީޑަރު މަގާމުން ދުރުކުރި ފުރަތަމަ ފަހަރެވެ.
މި މަސައްކަތުގެ އިސްވެރިޔަކީ ފްލޮރިޑާގެ އެންމެ ކަނާތު ފިޔައިގެ ރިޕަބްލިކަން ޕާޓީގެ ރިޕްރެޒެންޓޭޓިވް މެޓް ގޭޓްސް އަދި މެކާތީގެ އެންޓާގޮނިސްޓެއް ކަމަށާއި އޭނާ ވަނީ ޕާޓީގެ ލީޑަރު ފެޑެރަލް ހަރަދުތައް ކުޑަކުރުމަށް އެކަށީގެންވާ ކަމެއް ނުކުރާ ކަމަށް ތުހުމަތުކޮށްފައެވެ.
އެއީ ރިޕަބްލިކަން ޕާޓީގެ ކޮންޓްރޯލްގެ ދަށުގައި އޮންނަ ހައުސް އިން ވޮޝިންޓަން ޑިފޯލްޓްގެ ތެރެއަށް ވައްޓާލައި، ސަރުކާރު ބައެއް ހުއްޓުވަން މަސައްކަތް ކުރުމެވެ.
ހައުސްގެ ރައީސްގެ މަޤާމުން ވަކިކުރުމުން މެކާތީ ވަނީ އަލުން އެ މަޤާމަށް ކުރިމަތިލެއްވުމުގެ ޝައުޤުވެރިކަމެއް ނެތް ކަން ހާމަ ކުރައްވާފައެވެ.
