އެމެރިކާގެ ރައީސް ޑޮނަލްޑް ޓްރަމްޕްގެ ގޯލްޑް ކާޑާއި، ޓްރަމްޕް ކޯޕަރޭޓް ގޯލްޑް ކާޑު ތައާރަފު ކޮށްފި އެވެ.

އެމެރިކާގެ ސަރުކާރުން ބުދަ ދުވަހު ވަނީ މި ދެ ކާޑުގެ އިތުރުން، ޓްރަމްޕް ޕްލެޓިނަމް ކާޑެއް ވެސް އިއުލާން ކޮށްފަ އެވެ. ނަމަވެސް، އަދި އެ ކާޑު އާންމުކޮށް ނެރެފައި ނުވެ އެވެ.

ޓްރަމްޕްގެ ގޯލްޑް ކާޑަކީ ވިސާއެއްގެ ގޮތުގައި ދޫކުރާ ކާޑެކެވެ. މި ކާޑަށް އެދޭ ފަރާތްތަކުން ފުރަތަމަ ކަމެއްގެ ގޮތުން 15،00 އެމެރިކާ ޑޮލަރުގެ ނޮން ރިފަންޑަބަލް ޕްރޮސެސިން ފީއެއް ދައްކަން ޖެހެ އެވެ. މި ފައިސާ އަކީ އަނބުރާ ލިބޭނެ ފައިސާއެއް ނޫނެވެ.

އެޕްލިކޭޝަން ބަލައި ރިވިއު ކުރުމުގެ މަސައްކަތް ނިމުމުން، ކާޑަށް އެދޭ ފަރާތުން އެމެރިކާ އަށް "ވަރަށް ބޮޑު ފައިދާ ކުރާނެ" ކަމުގެ ހެކީގެ ގޮތުގައި އެއް މިލިއަން އެމެރިކާ ޑޮލަރުގެ ހަދިޔާއެއް ދައްކަން ޖެހޭ ކަމަށް ވަނީ ބުނެފަ އެވެ،

ޓްރަމްޕްކާޑު.ގޮވް ވެބްސައިޓުގައި ބުނާ ގޮތުން، ސްޓޭޓް ޑިޕާޓްމަންޓް އަށް އިތުރު ކުޑަ ފީ ތަކެއް ވެސް ދައްކަން ޖެހިދާނެ އެވެ. ނަމަވެސް، މި ފީތަކާ ގުޅޭ އިތުރު އެއްވެސް ތަފްސީލެއް ހާމަ ކޮށްފައި ނުވެ އެވެ.

މީގެ އިތުރުން، ޓްރަމްޕް ކޯޕަރޭޓް ގޯލްޑް ކާޑަކީ ކުންފުނި ތަކަށް ލިބެން ހުންނަ ކާޑެކެވެ. މި ކާޑަށް ވެސް ކޮންމެ މުވައްޒަފަކު 15،000 އެމެރިކާގެ ޑޮލަރުގެ ޕްރޮސެސިން ފީއެއް ދައްކަން ޖެހޭނެ އެވެެ. ކުންފުނި ތަކަށް، އެއް ފަހަރާ އެތައް މުވައްޒަފުންނަށް ވެސް މި ކާޑަށް އެޕްލައި ކުރުމުގެ ފުރުސަތު އޮންނާނެ އެވެ. ނަމަވެސް ވެޓިން އާއި ރިވުއު ނިމުމުން، ކޮންމެ އެޕްލިކަންޓަކަށް ދެ މިލިއަން އެމެރިކާ ޑޮލަރުގެ ހަދިޔާއެއް ދައްކަން ޖެހެ އެވެ.

ސަރުކާރުގެ ވެބްސައިޓުގައި ބުނާ ގޮތުން، ޓްރަމްޕް ކޯޕަރޭޓް ގޯލްޑް ކާޑުގެ ފައިދާ އަކީ ކޯޕަރޭޓް ސްޕޮންސަރުންނަށް އެއް މުވައްޒަފަކަށް ދޭ ސްޕޮންސާޝިޕް ހުއްޓާލައި، ކުރީގެ އެޕްލިކޭޝަންއާ ގުޅިފައިވާ ހަދިޔާގެ ކޮންޓްރިބިއުޝަން އައު އެއް މުވައްޒަފަކަށް ސްޕޮންސާ ކުރުމުގެ އަސާސްގެ ގޮތުގައި ބޭނުން ކުރެވޭނެ ކަމަށެވެ. އެގޮތުން އިތުރު ދެ މިލިއަން ޑޮލަރު ދެއްކުމެއް ނެތި އެކަން ކުރެވިދާނެ ކަމަށް ވެސް ބުނެފައިވެ އެވެ.

މި ކާޑަށް އަހަރީ އެއް އިންސައްތައިގެ މެއިންޓެނެންސް ފީއެއް އަދި، ފަސް އިންސައްތައިގެ ޓްރާންސްފާ ފީއެއް ވެސް ނެގުމަށް ހިމަނާފައިވެ އެވެ. ޓްރާންސްފާ ފީގެ ތެރޭގައި، ޑިޕާޓްމަންޓް އޮފް ހޯމް ލޭންޑް ސެކިއުރިޓީ އިން ހަދާ އައު ބެކްގްރައުންޑް ޗެކްގެ ޚަރަދު ހިމެނެ އެވެ.

މި ކާޑަށް އެދި ހުށަހަޅާ ފަރާތްތަކަކީ ޤާނޫނީ ގޮތުން ޕާމަނަންޓް ރެސިޑެންޓް ސްޓޭޓަސް އަަށް ޝަރުތު ހަމަވާ ފަރާތްތަކަށް ވާން ޖެހޭނެ އެވެ. އަދި އެމެރިކާ އަށް އެތެރެވެވޭ ފަރާތްތަކަށް ވާން ޖެހޭއިރު، ވިސާ ލިބެން ހުންނަ ފަރާތްތަކަށް ވެސް ވާން ޖެހޭނެ އެވެ. ވިސާ ލިބުމުގައި ބައެއް ޤައުމު ތަކުގެ

ފީ ތަކާއި، އެޕްލިކޭޝަންތައް ލިބުމަށް ފަހު، މުޅި ޕްރޮސެސް ނިންމާލަން ހަފުތާއެއްގެ މުއްދަތު ނަގާނެ ކަމަށް ލަފާ ކޮށްފައިވެ އެވެ. އެއާއެކު، އިތުރު ބައެއް ލިޔެ ކިޔުންތައް ވެސް ހުށަހަޅަން ޖެހިދާނެ ކަމަށް ބުނެފައިވެ އެވެ.