އިންޑިޔާއިން ލިބުނީ ފުރިހަމަ މެހުމާންދާރީއެއް: ޕާކިސްތާން
5 އޮކްޓޯބަރު 2023 | ބުރާސްފަތި 05:39އެންމެ ފަހުން ވިސާދިން ގައުމަކީ ޕާކިސްތާން
ޕާކިސްތާން ކުޅުންތެރިން: ވޯލްޑްކަޕްގެ އިންތިޒާމްތަކާމެދު ހިތްހަމަޖެހޭ
ވޯލްޑްކަޕް ކްރިކެޓް މުބާރާތް ކުޅެން އިންޑިޔާ އަށް ދިއުމަށް ބޭނުންވާ ވިސާ ލިބުނީ މާ ފަހުން ނަމަވެސް އެ ގައުމަށް ދިއުމުން ކިޔާފައިވަނީ ވަރަށް ފުރިހަމަ މެހުމާންދާރީއެއް ކަމަށް ޕާކިސްތާނުން ބުނެފި އެވެ.
ކެޕްޓަން ބަަބަރު އަޒަމް ބުނީ އިންޑިޔާގައި ޕާކިސްތާނަށް ހަމަޖައްސާފައިވާ ހުރިހާ އިންތިޒާމްތަކެއް ވެސް ވަރަށް ފުރިހަމަ ކަމަށެވެ. އަދި އެމީހުންނަށް އިންޑިޔާ އަކީ އަމިއްލަ ގައުމުކަމުގެ އިހުސާސް ކުރެވޭ ކަމަށެވެ.
ޕާކިސްތާނަކީ މި ފަހަރުގެ މުބާރާތަށް ކޮލިފައިވި 10 ގައުމުގެ ތެރެއިން އެންމެ ފަހުން އިންޑިޔާއިން ވިސާގެ ކަންކަން ހަމަޖައްސައިފިން ގައުމެކެވެ. ޒަމާނުއްސުރެ ސިޔާސީ ވާދަވެރިކަމުގެ ސަބަބުން މި ދެ ގައުމުގެ ގުޅުން އަބަދުވެސް ވަރަށް ގޯހެވެ. މި ސަބަބާހުރެ އެއް ގައުމު އަނެއް ގައުމަށް ދަތުރުކޮށްގެން 2013ގެ ފަހުން މެޗެއް ނުކުޅެ އެވެ.
ޕާކިސްތާނުން އިންޑިޔާ އަށް ތައުރީފްކޮށްފައިވަނީ ވިސާ ލިބުން ލަސްވެގެން އިންޓަނޭޝަނަލް ކްރިކެޓް ކައުންސިލުގައި މައްސަލަ ޖެއްސުމަށްފަހު އެވެ.
މިދިޔަ ޖުލައި މަހު އިންޑިޔާގައި ބޭއްވި ސާފް ޗެމްޕިއަންޝިޕް ފުޓްބޯޅަ މުބާރާތަށް ޕާކިސްތާނުގެ ޓީމަށް ވިސާ ހަމަޖެހިގެން އިންޑިޔާއަށް ދެވުނީ މެޗު ކުޅެން އެންމެ ފަސް ގަޑިއިރަށްވީ ފަހުންނެވެ.
