ޕާކިސްތާނުގެ ގައުމީ ކްރިކެޓް ޓީމުގައި ހިމެނޭ ފަސް ކުޅުންތެރިއަކު، މުއްދަތެއް ނެތް ގޮތަށް އެގައުމުގެ ކްރިކެޓް ބޯޑުން ސަސްޕެންޑްކޮށްފިއެވެ.
ޕާކިސްތާނުގެ ކްރިކެޓް ބޯޑުން މި ކުޅުންތެރިން ސަސްޕެންސްޑް ކޮށްފައިވަނީ ކޮރަޕްޝަނާ ގުޅުންހުރި ތުހުމަތުތަކެއް ތަހުޤީގު ނިމެންދެނެވެ.
ސަރީޖް ޚާން، ޚާލިދް ލަތީފް، ނާސިރު ޖަމްޝީދުގެ އިތުރުން މުޙައްމަދު އިރުފާން އަދި ޝާހްޒައިބް ހަސަން ސަސްޕެންޑްކުރީ ޕާކިސްތާނުގެ ކްރިކެޓް ބޯޑުގެ ކޮރަޕްޝަން މަނާކުރާ ކޯޑާއި ޚިލާފުވެގެންނެވެ.
މިފަސް ކުޅުންތެރިންގެ މައްޗަށް ތުހުމަތުކުރަނީ ޕާކިސްތާނުގެ ކްރިކެޓް ސުޕަލީގުގެ މެޗުތަކެއްގެ ނަތީޖާ ބަދަލުކުރުމުގައި ކޮރަޕްޝަން ހިމެނޭ އަމަލުތަކެއް ހިންގުމުގެ ތުހުމަތުގައެވެ.
ސަސްޕެންޑް ކުރުމުގެ އިތުރުން މި މައްސަލައިގެ ތަހުގީގު ނިމެންދެން އޭގެން އެއްވެސް ކުޅުންތެރިއަކު ގައުމުން ބޭރަށް ދިޔުންވެސް ޕާކިސްތާނުގެ ކްރިކެޓް ބޯޑުން ވަނީ މަނާކޮށްފައެވެ.
މައްސަލައިގެ ތަހުގީގަށް މީގެ ތެރެއިން ބައެއް ކުޅުންތެރިން ހައްޔަރުވެސް ކުރިއެވެ. އެގޮތުން 27 އަހަރުގެ ޖަމްޝީދު ހައްޔަރު ކުރުމަށް ކަފާލާތުގެ ދަށުން ވަނީ ދޫކޮށްލާފައެވެ.
މިމައްސަލައިގައި މި ކުޅުންތެރިން ލާހޯރުގެ ކޯޓަށް ހާޒިރު ކުރުމަށްވެސް ވަނީ ނިންމާފައެވެ. ނަމަވެސް އެކަން ދިގުލައިގެން ދަނީ ދެ ކުޅުންތެރިއެއްގެ ބަޔާންއެއްކޮށް ނަގާނުނިމޭތީއެވެ.
