ޕީޕީއެމްގެ ވެރިކަމުގެ ކަޅު ދުވަސްތައް ކިޔައިދެއްވާ އިމްރާން ވިދާޅުވީ ވޯޓުލާންވީ ނުރައްކަލާއި ބިރުވެރިކަމާއި ނާމާންކަމުން ގައުމު ސަލާމަތްކުރުމަށް ކަމަށް

2013ން 2018ށް އޮތް އިދިކޮޅު ޕީޕީއެމްގެ ވެރިކަމުގެ ކަޅު ދުވަސްތައް ހަނދާންކޮށްދެއްވާ ވޯޓުލާންވީ ނުރައްކަލާއި ބިރުވެރިކަމާއި ނާމާންކަމުން ގައުމު ސަލާމަތްކުރުމަށް ކަމަށް ހޯމް މިނިސްޓަރ އިމްރާން އަބްދުﷲ ވިދާޅުވެއްޖެއެވެ.

އެމްޑީޕީން ބޭއްވި ކަންމަތީ ބައްދަލުވުމުގައި ވާހަކަދައްކަވަމުން އިމްރާން ވިދާޅުވީ އިންތިހާބު ކާމިޔާބުކުރެވުމުން އުފާވެރި އަމާން ރާއްޖެއަށް ދެވޭނެ ކަމަށެވެ. ނަމަވެސް އިންތިހާބުގައި ވޯޓުލާންވީ އުފާވެރި އަމާންރާއްޖެ އަކަށް ނޫން ކަމަށާއި، ވޯޓުލާންވީ ނުރައްކަލާއި ބިރުވެރިކަމާއި ނާމާންކަމުން ގައުމު ސަލާމަތްކުރުމަށް ކަމަށެވެ.

މިނިސްޓަރ ވިދާޅުވީ ގައުމުގައި ތިއްބެވި ހުރިހާ މަސްވެރިން، ހުރިހާ ވިޔަފާރިވެރިންނާއި، މަސައްކަތްތެރިންނާ ސިޔާސީ ފިކުރެއް ކިރިޔާވެސް ގެންގުޅޭ ބޭފުޅެއްނަމަ މިއަދު ކޯލިޝަނާއި ބައިވެރިވަޑައިގަތުމަށެވެ.

މިނިސްޓަރ ވިދާޅުވީ ބޮޑެތި ކުށްކުރާ ޖަމާއަތްތަކުގެ މައްޗަށް ވެރިކަން ދޫކޮށްލައިފިނަމަ ގައުމުގެ މަގުތައް ލެއިން ތަތްތެޅިގެންދާނެ ކަމަށެވެ. ގެއްލޭނީ ކާކު ކޮން ގަޑިއަކު ކަމެއް ނޭނގޭނެ ކަމަށާއި، އެ ހާލަތަށް ގައުމުދާން ފަރުވާކުޑަކޮށްލާފައި އަރާމުގައި ނިދަން އެއްވެސް ބޭފުޅަކު އޮވެއްޖެނަމަ އެކަމާއި ކަރުނައަޅާ ރޮއި ހިތާމަކުރާނެ 5 އަހަރު ބައްދަލުކުރާނެ ކަމަށް މިނިސްޓަރ ވިދާޅުވިއެވެ.

މިނިސްޓަރ ވިދާޅުވީ މިއީ ބިރުވެރި ވާހަކަތަކެއް ކަމަށާއި، އެންމެން އެކީގައި ނުކުމެ 30 ވަނަ ދުވަހު ވޯޓު ދެއްވުމަށެވެ.