މަޝްހޫރު ލަވަކިޔުންތެރިޔާ، މަސްއޫދު މޫސާ ދީދީ ނިޔާވެއްޖެ
އޭނާ ނިޔާވީ އާދިއްތަ ދުވަހުގެ ވަގުތެއްގައި އިންޑިއާގައި
މަސްއޫދު މޫސާ ދީދީ
އޮލިމްޕިއަންސް ބޭންޑުން ވިދާލި މަޝްހޫރު މިއުޒީޝަން އަދި ލަވަކިއުންތެރިޔާ މަސްއޫދު މޫސާ ދީދީ ނިޔާވެއްޖެއެވެ.
އޭނާ ނިޔާވީ އާދިއްތަ ދުވަހުގެ ވަގުތެއްގައި އިންޑިއާގައިކަމަށް މައުލޫމާތު ލިބެއެވެ.
މަސްއޫދު މޫސާ ދީދީއަކީ މިއުޒިކް ގެ ދާއިރާއަށް ތަފާތު އެތައް މަސައްކަތްތަކެއް ކޮށްދެއްވާފައިވާ ފަންނާނެކެވެ. އޭނާ އަކީ އަމިއްލަ އެތައް ރާގަކާއި، ހިތްގައިމު ލަވަތަކެއް އާއްމުންނާއި ހަމައަށް ގެނެސްދިން ކުޅަދާނަ މިއުޒީޝަނެކެވެ. އޭނާ ކިއްޔުވާފައިވާ ލަވަތަކަކީ، މިހާރުވެސް ދިވެހިންގެ މެދުގައި ވަރަށް ބޮޑު މަޤުބޫލުކަމެއް ހޯދާފައިވާ ލަވަތަކެކެވެ.
އޭނާއަކީ މަޝްހޫރު އެކްޓަރ އަދި ފިލްމް ޑިރެކްޓަރ އަޙްމަދު ނިމާލުގެ ދޮންބައްޕައެވެ. އަދި އޭނާ އަކީ މަޝްހޫރު ލަވަކިޔުންތެރިޔާ އަބްދުލް ހައްނާން މޫސާ ދީދީގެ އެންމެ ދޮށީ ބޭބެއެވެ.
އޭނާ ނިޔާވިއިރު ދުނިޔޭގައި ތިން ކުދިން އެބަ ތިއްބެވެ.
