ކުޅުދުއްފުށި ސިޓީގެ ގެއެއްގެ ފާހާނާތެރޭގައި މަރުވެފައި އޮތް މީހަކު ފެނިއްޖެއެވެ.
ފުލުހުން ބުނީ މީހަކު ފާހާނާއަށް ވަދެފައި ނުނިކުމެ ގިނައިރުވެގެން ބެލިއިރު ފާހާނާތެރެއަށް ވެއްޓިގައި އޮތުމުން، އޭނާ ހޮސްޕިޓަލަށް ގެންދިޔަކަން މިއަދު ހެނދުނު 10:30ހާއިރު އެ އިދާރާއަށް ރިޕޯޓްކޮށްފައި ވާކަމަށެވެ.
އެ މީހާ ކުޅުދުއްފުށި ރީޖަނަލް ހޮސްޕިޓަލަށް ގެންދިޔައިރުވެސް މަރުވެފައިވާކަމަށް ހޮސްޕިޓަލުން މައުލޫމާތު ދޭކަމަށްވެސް ފުލުހުން ބުންޏެވެ.
ފުލުހުން މައުލޫމާތު ދޭގޮތުގައި ފާހާނާއެއްގެ ތެރޭގައި މަރުވެފައި އޮއްވައި ފެނުނީ 48 އަހަރުގެ ދިވެހި ފިރިހެނެކެވެ.
މި މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
