މ. ރަބީއުވިލާ ގޭގައި މަރުވެފައި އޮއްވާ ފެނުނީ ގެއްލިގެން ހޯދަމުންދިޔަ ޒުވާނާ ކަމަށް ފުލުހުން ބުނެފިއެވެ.
ފުލުހުން ބުނީ މ. ރަބީއުވިލާގެ ގްރައުންޑް ފްލޯގައި ފިރިހެނަކު މަރުވެފައި އޮތްކަމުގެ ރިޕޯޓް ލިބިފައިވަނީ ހޯމަ ދުވަހުގެ މެންދުރު 2:20 އެހާކަންހާއިރު ކަމަށެވެ.
އަދި އެ ގެއިން ހޯމަ ދުވަހު ފެނިފައިވަނީ ގެއްލިގެން ހޯދަމުންދިޔަ މއ. ބޯޅަކިންކިރިމާގޭ، އުމުރުން 30 އަހަރުގެ އަހުމަދު އައިމަން ކަން ކަށަވަރުވެފައިވާ ކަމަށެވެ.
އެ ގެއަކީ އަލިފާނުގެ ހާދިސާއަކަށްފަހު މީހުން ދިރިއުޅެމުން އަންނަ ގެއެއް ނޫނެނެވެ.
މއ. ބޯޅަކިންކިރިމާގެ، އަޙްމަދު އައިމަން އާއިލާއަށް ޚަބަރެއްނުވެ ގެއްލިފައިވާ ކަމަށް ރިޕޯޓުކޮށްފައިވާތީ އޭނާ ހޯދުމުގެ މަސައްކަތް ފުލުހުން ފެށީ ވެސް ހޯމަ ދުވަހުއެވެ.
