ލާންސް ކޯޕްރަލް މުޙައްމަދު ސުލްޠާންގެ ޖަނާޒާ ކުރިއަށްދާނީ ރަސްމީ ޢިއްޒަތުގައި
އާއިލާގެ އެދުމުގެ މަތިން އޮޓޮޕްސީ ނުހަދަން ވަނީ ނިންމާފައި
މުޙައްމަދު ސުލްޠާން - ލާންސް ކޯޕްރަލް / އެމްއެންޑީއެފް
ލާންސް ކޯޕްރަލް މުޙައްމަދު ސުލްޠާން އިބްރާހީމްގެ ޖަނާޒާގެ ކަންތައްތައް ކުރިއަށްދާނީ ރަސްމީ ޢިއްޒަތުގައި ކަމަށް މޯލްޑިވްސް ނެޝަނަލް ޑިފެންސް ފޯރސް (އެމްއެންޑީއެފް)އިން ބުނެފިއެވެ.
ސުލްޠާން ނިޔާވީ ދުވުމެއްގެ ތެރެއިން ކުއްލި ގޮތަކަށް ވެއްޓުމާގުޅިގެންނެވެ. އޭނާގެ ހަށިގަނޑު މާލެ ގެނެސްފައިވަނީ ހޯމަ ދުވަހުގެ މެންދުރުއެވެ. ހަށިގަނޑު އާސަހަރާއަށް ގެންގޮސްފައިވާއިރު މޫނު ދެއްކުމުގެ ކަންތައްތައް ކުރިއަށްދާ ކަމަށް އެމްއެންޑީއެފުން ބުންޏެވެ.
ސުލްޠާންގެ ހަށިގަނޑު މާލެ ގެނެސް ޕޯސްޓްމޯޓަމް ހަދާނެ ކަމަށް ބުނެ ވާހަކަތައް ފެތުރިފައިވީ ނަމަވެސް އެމްއެންޑީއެފުން ބުނީ އާއިލާގެ އެދުމުގެމަތިން މިހާރު ޕޯސްޓްމޯޓަމް ނުހަދަން ނިންމާފައިވާ ކަމަށެވެ.
މަރުޙޫމް މުޙައްމަދު ޞުލްޠާން އިބްރާހީމްގެ ކަށުނަމާދު އޮންނާނީ ހޯމަ ދުވަހު މަޣްރިބް ނަމާދަށްފަހު އާސަހަރާ މިސްކިތުގައެވެ.
ޞުލްޠާން އިބްރާހީމް ނިޔާވުމާ ގުޅިގެން އާދީއްތަ ދުވަހު 18:00ން ފެށިގެން 48 ގަޑިއިރަށް ސިފައިންގެ މަރުކަޒުތަކުގައި ސިފައިންގެ ދިދަ ވަނީ ބައިދަނޑިއަށް ތިރިކޮށްފައެވެ.
