ހޯމް މިނިސްޓަރ ވިދާޅުވީ ބޮޑެތި މަރުތަކާއި ގުޅޭ ސަރުކާރުގެ ޕޮލިސީ ސާފު ނޫން ކަމަށް
މެންބަރު ކުރެއްވި ސުވާލުގަ މި ވަގުތު ޕޮލިސީ އޮތްގޮތް ޖެހިވަޑައިގަންނަވާނީ ސާފުކޮށްލަން ކަމަށް ވިދާޅުވި
މިނިސްޓަރ އޮފް ހޯމްލޭންޑް ސެކިއުރިޓީ އެންޑް ޓެކްނޮލޮޖީ އަލީ އިހްސާން
ބޮޑެތި މަރުތަކާއި ގުޅޭ ސަރުކާރުގެ ޕޮލިސީ ސާފު ނޫން ކަމަށް މިނިސްޓަރ އޮފް ހޯމްލޭންޑް ސެކިއުރިޓީ އެންޑް ޓެކްނޮލޮޖީ އަލީ އިހްސާން ވިދާޅުވެއްޖެއެވެ.
މިނިސްޓަރ އޮފް ހޯމްލޭންޑް ސެކިއުރިޓީ އެންޑް ޓެކްނޮލޮޖީ އަލީ އިހްސާން މިފަދައިން ވިދާޅުވީ އުނގޫފާރު ދާއިރާގެ މެންބަރު މުހައްމަދު ވަހީދު ކުރެއްވި ސުވާލަކަށް ޖަވާބުދެއްވަމުންނެވެ. މެންބަރުގެ ސުވާލުގައި ވިދާޅުވީ އުނގޫފާރު ދާއިރާގެ ކުރީގެ މެންބަރު އަފްރާޝީމާއި، ނޫސްވެރިޔާ އަހުމަދު ރިޟްވާނާއި ބްލޮގަރ ޔާމީން ރަޝީދުގެ މަރުގެ މައްސަލަ ބަލަން ކުރީ ސަރުކާރުން މަރު ކޮމިޝަނެއް ވެސް އެކުލަވާލި އެހެންނަމަވެސް ވަރަށް ބޮޑަށް މި މަރުތައް ބެލުމުގަ އިހުމާލުވެގެންދިޔަތަން ފެނުނު ކަމަށެވެ.
އަދި މި ސަރުކާރުން އެ މަރުތަކަށް އިންސާފު ހޯދުމަށް ކުރެވޭނެ ކަންކަމަކީ ކޮބައިތޯ އަދި ކުރާ މަސައްކަތްތަކުގެ ވާހަކަ މެންބަރު ސުވާލުކުރެއްވިއެވެ.
މެންބަރުގެ ސުވާލުގެ ޖަވާބުގައި މިނިސްޓަރ ވިދާޅުވީ މެންބަރު ކުރެއްވި ސުވާލުގަ މި ވަގުތު ޕޮލިސީ އޮތްގޮތް ޖެހިވަޑައިގަންނަވާނީ ސާފުކޮށްލަން ކަމަށާއި، އެކަން ސަފުކުރުމަށްފަހު މެންބަރަށް ޖަވާބުދެއްވާނެކަމަށް ވިދާޅުވެފައެވެ.
