"އަޅުގަނޑަށް މަރު ޔަޤީންވާހާ ޔަޤީން އިބޫ ވައްކަމެއް ނުކުރައްވާނެކަން"
ރައީސް އިބްރާހިމް މުޙައްމަދު ސާލިޙު ހިޔާނަތްތެރިވެވަޑައިނުގަންނަވާނެކަމަށް ވިދާޅުވި
ރައީސް ސާލިޙުގެ ދެކަނބަލުން
ރައީސް އިބްރާހީމް މުޙައްމަދު ސާލިޙު ވައްކަމެއް ނުކުރައްވާނެކަން ޔަޤީން ކުރައްވާކަމަށް ފަރސްޓްލޭޑީ ފަޒްނާ އަޙުމަދު ވިދާޅުވެއްޖެއެވެ.
ރާއްޖެޓީވީގެ ފަށާއިރު ޕްރޮގްރާމްގައި ވާހަކަފުޅު ދައްކަވަމުން ފަޒްނާ ވިދާޅުވީ، ރައީސް އިބްރާހިމް މުޙައްމަދު ސާލިޙު ހިޔާނަތްތެރިވެވަޑައިގެން ޖަލަށް ލާން ޖެހިވަޑައިނުގަންނަވާނެކަން އެކަމަނާއަށް ޔަޤީން ކަމަށެވެ.
ރައީސް އިބްރާހިމް މުޙައްމަދު ސާލިޙު ވައްކަމެއް ނުކުރައްވާނެކަން ޔަޤީން ކުރެވޭކަން ފާހަގަކުރައްވައި ފަޒްނާ ވިދާޅުވީ، އެފަދަ ކުށެއްގައި ޖަލަށް ލާން ޖެހިވަޑައިނުގަންނަވާނެ ކަމަށެވެ.
އެހެންނަމަވެސް ރައީސް ސާލިޙާމެދު ރުޅިވެރިކަމެއް އޮވެ، ޤާނޫނުތަކަށް ބެލުމެއްނެތި ވެރިކަން ކުރައްވާ ވެރިއަކު ވަޑައިގެންފިނަމަ އެހެންވެސް ވެދާނެކަން ފަޒްނާ ފާހަގަ ކުރެއްވިއެވެ.
