ރުބިއަލެސްގެ އަމަލު ތަކުރާރުވިޔަ ނުދޭނަން: އިންފަންޓީނޯ
8 ސެޕްޓެމްބަރު 2023 | ހުކުރު 05:27ރުބިއަލެސްގެ އަމަލުގެ ސަބަބުން ވޯލްޑްކަޕް ނިންމުމުގެ ރަސްމިއްޔާތު ހަރާބުވި: އިންފަންޓީނޯ
ވޯލްޑްކަޕް ނިންމުމުގެ ރަސްމިއްޔާތުގައި އިންފަންޓޯނޯ (v) ސްޕޭންގެ ކުޅުންތެރިންނާ ވާހަކަ ދައްކަނީ
ސްޕޭނުގެ ފުޓްބޯޅަ ފެޑަރޭޝަނުގެ ރައީސް ލުއިސް ރުބިއަލެސް ވޯލްޑްކަޕް ނިންމުމުގެ ރަސްމިއްޔާތުގައި އަންހެން ކުޅުންތެރިއެއްގެ ތުންފަތަށް ބޮސްދިން އަމަލު ތަކުރާރުވިޔަ ނުދޭނެ ކަމަށް ފީފާގެ ރައީސް ޖިއާނީ އިންފަންޓީނޯ ވިދާޅުވެއްޖެ އެވެ.
މި ހާދިސާ ހިނގިތާ ތިން ހަފުތާ ފަހުން ފުރަތަމަ ފަހަރަށް އެ ކަމާ ބެހޭ ގޮތުން ވާހަކަ ދައްކަމުން ދުނިޔޭގެ ފުޓްބޯޅަ ޖަމިއްޔާގެ ރައީސް އިންފަންޓީނޯ ބުނީ ރުބިއަލެސްގެ އަމަލުގެ ސަބަބުން މުޅި ރަސްމިއްޔާތު ހަރާބުވެއްޖެ ކަމަށެވެ.
އިންފަންޓީނޯ ބުނީ މި މައްސަލަ ތަހުގީގުކޮށް ބަދަލެއް ގެންނަންޖެހޭނަމަ އެކަން ކުރާނެ ކަމަށެވެ.
މި މައްސަލާގައި ފީފާއިން ވަނީ ރުބިއަލެސް 90 ދުވަހަށް ސަސްޕެންޑްކޮށް އޭނާގެ މައްސަލަ ބަލަން ފަށައިފަ އެވެ. އަދި ސްޕޭނުގެ ކުޅުންތެރިންނާއި ސަރުކާރުންދަނީ ރުބިއަލެސް މަގާމުން އިސްތިއުފާ ދިނުމަށް ގޮވާލަމުންނެވެ.
