އެންމެ ގިނަ މޮނީޓަރުންނާއެކު ރިޔާސީ އިންތިޚާބުގެ ކަވަރޭޖަށް ރާއްޖެޓީވީން ތައްޔާރުވެއްޖެ
6 ސެޕްޓެމްބަރު 2023 | ބުދަ 14:47ރިޔާސީ އިންތިޚާބަށް ސްޓޭޝަނުން ވަނީ ވަރަށް ރަނގަޅަށް ތައްޔާރުވެފައި
ރާއްޖެޓީވީގެ ޑެޕިއުޓީ ސީއޯއޯ، ނާޒްމީ ސައީދު
އެންމެ ގިނަ މޮނީޓަރުންނާއެކު, ރިޔާސީ އިންތިޚާބުގެ ކަވަރޭޖަށް ރާއްޖެޓީވީން ތައްޔާރުވެއްޖެއެވެ.
ރާއްޖެޓީވީގެ ޑެޕިއުޓީ ސީއޯއޯ، ނާޒްމީ ސައީދު ވިދާޅުވީ ސެޕްޓެންބަރު މަހުގެ 9 ވަނަ ދުވަހު ބާއްވާ ރިޔާސީ އިންތިޚާބަށް ސްޓޭޝަނުން ވަރަށް ރަނގަޅަށް ތައްޔާރުވެފައި ވާކަމަށާއި، އެހެން އަހަރުތަކެކޭ އެއްގޮތަށް މިއަހަރުގެވެސް އެންމެ ފުރިހަމަ އަދި އެންމެ ފުރިހަމަ ކަވަރޭޖެއް ގެނެސްދޭނީ ރާއްޖެޓީވީން ކަމަށެވެ. ހުރިހާ ވޯޓު ފޮއްޓެއް ކައިރީގައި ރާއްޖެޓީވީގެ މޮނީޓަރުން ހަރަކާތްތެރިވާނެ ކަމަށާއި، އެންމެ ފުރަތަމަ އިންތިޚާބުގެ ނަތީޖާވެސް ގެނެސްދޭނީ ރާއްޖެޓީވީންކަން ނާޒްމީ ފާހަގަކުރެއްވިއެވެ.
ރާއްޖެޓީވީގެ ޓީމަށް އިޝާރާތް ކުރައްވައި ނާޒްމީ ވިދާޅުވީ، މި ޓީމަކީ އަބަދުވެސް ބެލުންތެރިންނާ ހަމައަށް އެންމެ އަވަހަށް މައުލޫމާތު އެންމެ އިތުބާރާއެކު ގެނެސްދޭ ޓީމް ކަމަށެވެ. އަދި ވިދާޅުވީ ނޫސްވެރިންނާއި ޓެކްނިކަލް ޓީމާއި ޕްރޮޑިއުސަރުން ހިމެނޭހެން، މި ޓީމަކީ ރާއްޖޭގައި މިވަގުތު އޮތް އެންމެ ތަޖުރިބާކާރު ޓީމް ކަމަށެވެ.
މީގެ އިތުރުން ރިޔާސީ އިންތިޚާބުގެ އެންމެ ފަހުގެ މައުލޫމާތާއި ނަތީޖާ ބެލުމަށް ރާއްޖެޓީވީ ޓިއުންކޮށްލުމަށް ވަނީ އިލްތިމާސް ކުރައްވާފައެވެ.
