ދަ މޯލްޑިވްސް އޯޝަން ހެކަތޮންގެ ނަމުގައި ކުރިއަށްގެންދާ ހަރަކާތް ފަށައިފި
30 އޯގަސްޓު 2023 | ބުދަ 12:51މި ހެކަތޮން ކުރިއަށްދާނީ 24 ގަޑިއިރު ހަމަވާގޮތަށް 3 ދުވަހަށް ބަހައިލައިގެން
މިނިސްޓަރ އޮފް އެންވައިރަންމެންޓް އެންޑް ކްލައިމެޓް ޗޭންޖް ޓެކްނޮލޮޖީ އައިމިނަތު ޝައުނާ، ދަ މޯލްޑިވްސް އޯޝަން ހެކަތޮންގެ ހަރަކާތް އިފްތިތާހް ކޮށްދެއްވަނީ
ތިމާވެއްޓަށް ލިބެމުންދާ ގެއްލުންތައް ޓެކްނޮލޮޖީގެ އެހީގައި ދެނެގަތުމަށް "ދަ މޯލްޑިވްސް އޯޝަން ހެކަތޮން" ގެ ނަމުގައި ކުރިއަށްގެންދާ ހަރަކާތް ފަށައިފިއެވެ.
ބުދަ ދުވަހު އިސްލާމީ މަރުކަޒުގައި ބޭއްވި ޚާއްސަ ރަސްމިއްޔާތެއްގައި މި ހަރަކާތް އިފްތިތާހް ކޮށްދެއްވީ މިނިސްޓަރ އޮފް އެންވައިރަންމެންޓް އެންޑް ކްލައިމެޓް ޗޭންޖް ޓެކްނޮލޮޖީ އައިމިނަތު ޝައުނާ އެވެ.
ދަ މޯލްޑިވްސް އޯޝަން ހެކަތޮން ހަރަކާތަކީ މޫސުމީ ބަދަލުތަކުގެ ސަބަބުން ކުރިމަތިވާ މައްސަލަތަކާއި ޑިޖިޓަލް ޓެކްނޮލޮޖީގެ އެހީގައި އިތުރަށް ދިރާސާކޮށް އެކަށީގެންވާ ހައްލެއް ހޯދުމަށް ޓެކްނޮލޮޖީ އަދި ތިމާވެށީގެ ދާއިރާގައި މަސައްކަތް ކުރައްވާ ބޭފުޅުންނަށް އަމާޒުކޮށްގެން ބާއްވާ ހަރަކާތެކެއެވެ.
މިރަސްމިއްޔާތުގައި މިނިސްޓަރު ޝައުނާ ވިދާޅުވީ މި ހެކަތޮން ބޭއްވުމުގެ މަސައްކަތް ފެށުނީ މީގެ ދެ އަހަރު ކުރިން ކަމަށެވެ. އަދި މި ހެކަތޮން އިފްތިތާހުކުރެވި ގިނަ ބައެއްގެ އެހީތެރިކަމާއިއެކު ހެކަތޮން ރޭވިގެން ކުރިޔަށް ގެންދިއުމަކީ ބޮޑު ހިތްހަމަޖެހުމެއް ކަމަށް މިނިސްޓަރު ވިދާޅުވިއެވެ.
މި ހެކަތޮން ކުރިއަށްދާނީ 24 ގަޑިއިރު ހަމަވާގޮތަށް 3 ދުވަހަށް ބަހައިލައިގެންނެވެ.
