ރާއްޖެ
މާލޭގައި އަލިފާނުގެ ހާދިސާއެއް ހިނގުން
މާފަންނުގައި ހުރި ގުދަނެއްގައި އަލިފާނުގެ ހާދިސާއެއް ހިނގައިފި
މި ހާދިސާއާ ގުޅިގެން މީހަކަށް ގެއްލުން ލިބުނު ކަމުގެ މައުލޫމާތެއް މިހާތަނަށް ލިބިފައެއް ނުވޭ
ނަޒާހަތު އިބްރާހިމް ރަޝީދު, ރާއްޖެ އެމްވީ | 24 އޯގަސްޓު 2023 | ބުރާސްފަތި 03:41
އަލިފާނުގެ ހާދިސާއެއް ހިނގުން
މާފަންނުގައި ހުރި ގުދަނެއްގައި އަލިފާނުގެ ހާދިސާއެއް ހިނގަިފިއެވެ.
މި ހާދިސާ ހިނގާފައި ވަނީ މ.ހުދުކަނީރުގޭގެ ގުދަނެއްގައެވެ. ރޯވެފައި ހުރީ ހާޑްވެއަރ ސާމާނު ރައްކާ ކުރާ ގުދަނެއްގައެވެ.
އެމްއެންޑީއެފުން ބުނީ މި ހާދިސާ ހިނގިކަމުގެ މައުލޫމާތު ލިބިފައި ވަނީ 7:45 ހާއިރު ކަމަށެވެ.
އެ ހާދިސާ ހިނގުމާއި ގުޅިގެން އެމްއެންޑީއެފްގެ ފަޔަރ އެންޑް ރެސްކިއު ސަރވިސަސް އިން ވަނީ ހަރަކާތްތެރިވެފައެވެ.
އެގޮތުން ކުރި މަސައްކަތުން އަލިފާންގަނޑު ކޮންޓްރޯލްކުރެވުނު ކަމަށް އެމްއެންޑީއެފުން ބުނެފައި ވަނީ 08:23 ހާއިރެވެ.
މި ހާދިސާއާ ގުޅިގެން މީހަކަށް ގެއްލުން ލިބުނު ކަމުގެ މައުލޫމާތެއް މިހާތަނަށް ލިބިފައެއް ނުވެއެވެ.
