ފަތުރުވެރިކަމުގެ ދާއިރާއަށް ދޭ ޕްރޮޖެކްޓްތައް ދެމެހެއްޓެނިވި ތަރައްޤީ ލިބޭނެ ފަދަ ގޮތަކަށް ބައްޓަންކުރުން މުހިއްމު ކަމަށް ހެޑް އޮފް ކޯޕޮރޭޝަން އެޓް ދަ އީޔޫ ޑެލިގޭޝަން ޓު ސްރީލަންކާ އެންޑް ދަ މޯލްޑިވްސް ޑރ. ޔޯހާން ހެސީ ވިދާޅުވެއްޖެއެވެ.

ޑރ. ޔޯހާން ހެސީ މިފަދައިން ވިދާޅުވީ "އީޔޫ ސަޕޯޓް ފޯ އަ ރެޒީލިއަންޓް ރިކަވަރީ އޮފް އެސްއެމްއީ ޓޫރިޒަމް އިންޑަސްޓްރީ އިން ދަ މޯލްޑިވްސް" ޕްރޮޖެކްޓުގެ ދަށުން ކ. މާފުށީގައި ކުރިއަށް ގެންދިޔަ މަޢުލޫމާތު ސެޝަނުގައެވެ.

މި މަޢުލޫމާތު ސެޝަންގެ ތެރެއިން ފަތުރުވެރިކަމުގެ ސިނާއަތުގައި ޙަރަކާތްތެރިވާ ގެސްޓްހައުސް ވިޔަފާރިތަކަށް ފަންނީ ކުރިއެރުން ލިބޭނެފަދަ ދާއިރާތަކަށް އަލިއަޅުވާލާފައިވެއެވެ. މި ޕްރޮޖެކްޓުގެ މައިގަނޑު މަޤްސަދަކ،ީ ދިވެހިރާއްޖޭގައި ވިލުންވެރި އަދި ސިންދަފާތުކުރެވިފައިވާ އިޤްތިޞާދެއް ބިނާކުރުމަށް މަޤުފަހިކޮށް ދިނުމެވެ.

މި ޕްރޮޖެކްޓު މެދުވެރިކޮށް ކޮވިޑް-19 ގެ ސަބަބުން ދި ވެހިރާއްޖޭގެ ފަތުރުވެރިކަމުގެ ސިނާއަތަށް ދިމާވި ހީނާރުކަމުން އަރައިގަތުމަށް އެހީތެރިވުމުގެ ގޮތުން 2 މިލިޔަން ޔޫރޯގެ ހިލޭ އެހީ ހަދިޔާކޮށްފައިވެއެވެ. މި އެހީ ފޯރުކޮށްދީފައިވަނީ ފަތުރުވެރިކަމުގެ ސިނާއަތުގައި ޙަރަކާތްތެރިވާ "ކުމެވި" ނުވަތަ ކުދި އަދި މެދު ފަންތީގެ ވިޔަފާރިތަކުގެ ތެރެއިން ގެސްޓްހައުސްތަކާއި ސަފާރީ ވެސަލްތަކަށެވެ. މިޕްރޮޖެކްޓްގެ ފުރަތަމަ ކޮމްޕޮނެންޓުގެ ދަށުން ވިޔަފާރިތަކަށް ހިލޭ އެހީގެ ގޮތުގައި 1.4 މިލިއަން ޔޫރޯ ( 25،332،672 ދިވެހި ރުފިޔާ) ވަނީ ދޫކޮށްފައެވެ.

އަދި މިހާތަނަށް މި އެހީ ޖުމްލަ 406 ފަރާތަކަށް ފޯރުކޮށްދީފައި ވާއިރ،ު އޭގެ ތެރޭގައި ހިމެނެނީ 341 ގެސްޓްހައުސްއާއި 65 ސަފާރީއެވެ. އެގޮތުނ،ް މާފުށީގެ 21 ވިޔަފާރިއަކަށް ޖުމްލަ 1،602،870 (އެއްމިލިއަން ހަލައްކަ ދެހާސް އަށްސަތޭކަ ހަތްދިހަ) ރުފިޔާ ހިލޭ އެހީގެ ގޮތުގައި ފޯރުކޮށްދީފައިވެއެވެ. މި ޕްރޮޖެކްޓުގެ ދެވަނަ ކޮމްޕޮނެންޓްގެ ދަށުން ގެސްޓްހައުސް ވިޔަފާރިތަކަށް ފަންނީ ކުރިއެރުމާއި މާލީ ތަރައްޤީގެ ފުރުސަތުތަކަށް މަގުފަހިކޮށްދިނުމުގެ ގޮތުން ވަނީ ގެސްޓުގައުސް ހިންގުމާއިގުޅޭ 8 ދާއިރާއަކަށް އަލިއަޅުވާލާފައެވެ.

އެގޮތުނ،ް މި ސެޝަން ނިމިގެންދިޔައިރު ވަނީ ފައިނޭންޝަލް މެނޭޖްމަންޓާއި ފްރަންޓް އޮފިސް އޮޕަރޭޝަނާއި ވޭސްޓް މެނޭޖްމަންޓް އަދި ދެމެހެއްޓެނިވި ތަރައްޤީގެ އިތުރުން ކޮވިޑް-19 ގެ ސަބަބުން ކުރިމަތިވި ގޮންޖެހުންތަކުން އަރައިގަތުމަށްޓަކައި އެޅިދާނެ ފިޔަވަޅުތަކާއި ގުޅޭ ގޮތުން މަޢުލޫމާތު ޙިއްސާކޮށްފައެވެ. އަދި މި ސެޝަން ނިންމާލަމުންވަނީ މާފުށީގެ 21 ގެސްޓްހައުސް ވިޔަފާރީއަކަށް ކޮމްޕޮނެންޓް 1 ގެ ދަށުން ލިބުނު ހިލޭ އެހީގެ ރަމްޒީ ފިލާ ހަވާލުކޮށްފައެވެ.

ޑރ. ޔޯހާން ހެސ،ީ ހެޑް އޮފް ކޯޕޮރޭޝަން އެޓް ދަ އީޔޫ ޑެލިގޭޝަން ޓު ސްރީލަންކާ އެންޑް ދަ މޯލްޑިވްސް ވިދާޅުވީ ޔޫރަޕިއަން ޔޫނިއަން ގެ ފަރާތުން ފަންޑު ކުރެވޭ މަޝްރޫޢުތަކަކީ ވީހާވެސް ގިނަ ފަރާތްތަކަށް އޭގެ މަންފާ ލިބޭ ގޮތަށް ފަރުމާކުރެވިފައިވާ މަޝްރޫޢުތަކެއް ކަމަށެވެ. މި ސަބަބަށްޓަކައި ކުރާ މަސައްކަތްތައް ބިނާކުރެވިގެންދަނީ ދިވެހި ސަރުކާރުގެ އެޖެންޑާއާއި އެއްގޮތަށް ކަމަށާއި، ފަތުރުވެރިކަމުގެ ސިނާއަތު ގައި ހަރަކާތްތެރިވާ ގެސްޓްހައުސްތަކާއި ސަފާރީ ވެސަލްތައް ފަދަ ކުދި ވިޔަފާރުތަކުގެ ކުރިއެރުވުމަށް އ.ީޔޫ އިން އަބަދުވެސް ކެނޑިނޭޅި މަސައްކަތްކުރަމުންދާ ކަމަށެވެ.

މިހަފްލާގައި ޑެލިގޭޝަން އޮފް ދަ ޔޫރަޕިއަން ޔޫނިއަން ސްރީލަންކާ އެންޑް މޯލްޑިވްސ،ް މޯލްޑިވްސް ފަންޑް މެނޭޖްމަންޓް ކޮޕަރޭޝަން އަދި ކ.މާފުށި ކައުންސިލްގެ ފަރާތުން ބައިވެރިވެލެއްވިއެވެ. މިޕްރޮޖެކްޓުގެ ތަންފީޒީ އިދާރާއަކީ މޯލްޑިވްސް ފަންޑް މެނޭޖްމަންޓް ކޯޕަރޭޝަނެވެ.