މޮޅަދުއަކީ ރަނގަޅު މުސްތަގްބަލެެއް އޮތް ރަށެއް، ފަތުރުވެރިކަމަށް ވެސް ރަނގަޅު ފުރުސަތު އެބަހުރި: ރައީސް
ލަފައި ފުރުމުގެ މައްސަލަ ހައްލުކޮށްދެއްވާނެ ކަމަށް ވިދާޅުވި
ރައީސުލްޖުމްހޫރިއްޔާ އިބްރާހީމް މުހައްމަދު ސާލިހު ވާހަކަފުޅު ދައްކަވަނީ
މޮޅަދުއަކީ ރަނގަޅު މުސްތަގުބަލެެއް އޮތް ރަށެއް ކަމަށާއި, މޮޅަދޫގައި ފަތުރުވެރިކަމަށް ވެސް ރަނގަޅު ފުރުސަތުތައް އެބަހުރި ކަމަށް ރައީސުލްޖުމްހޫރިއްޔާ އިބްރާހީމް މުހައްމަދު ސާލިހު ވިދާޅުވެއްޖެއެެވެ.
ރައީސް އެފަދައިން ވިދާޅުވީ ހއ. މޮޅަދޫގައި ބޭއްވި ބަނދަރު ބައްދަލުވުމުގައެވެ.
ތަރައްގީގެ މަޝްރޫއުތައް ހިންގާއިރު މޮޅަދޫއިން ވެސް އެކަން ފެންނާނެ ކަމަށާއި، އެ މަސައްކަތްކުރައްވާނީ ރޭވުންތެރިކަމާ އެކުގައި ކަމަށް ރައީސް ވިދާޅުވިއެވެ. އެގޮތުން ލަފައި ފުރުމަކީ އެރަށަށް ދިމާވި މައްސަލައެއް ކަމަށާއި އެކަން ހައްލުކޮށްދެއްވާފައިވާ ކަމަށް ރައީސް ވިދާޅުވިއެވެ.
އެ ރަށުގެ ސިއްހީ ޚިދުމަތް ރަނގަޅުކުރަން ޖެހޭ ކަމަށާއި، ކުރިއަަށް އޮތް ދެ ތިން މަސް ދުވަހުގެ ތެރޭގައި އެ ރަށުގެ ސިއްހީ މަރުކަޒާ ގުޅުންހުރި މަސައްކަތްތައް ފެށޭނެ ކަމަށް ވިދާޅުވިއެވެ.
މީގެ އިތުރުން ރާއްޖޭގެ އަމާންކަން އޮތީ ވިސްނުންތެރިކަމާއެކު މަސައްކަތް ކުރުމުން ކަމަށް ރައީސް ވިދާޅުވިއެވެ. އެއީ އިއްތިފާގަކުން ވާ ކަންކަން ނޫން ކަމަށާއި، އެކަން އެހެން ކުރުމަށްޓަކައި، ދިމާވާ ފާޑުކިޔުމަށް ރައްދުނުދީ ކުރިއަށް ދާން އެނގެންޖެހޭ ކަމަަށްވެސް ވިދާޅުވިއެވެ.
