ކޭންގެ އަގު ހަމަކުރުމަށް މާނޭ ނުއަގުގައި ނީލަމަށް

ޓޮޓެންހަމާއި އިނގިރޭސި ކެޕްޓަން ހެރީ ކޭން ގަތުމަށް ބޭނުންވާ ފައިސާ ހަމަކުރުމަށް ސެނަގާލްގެ ފޯވަޑް ސާދިއޯ މާނޭ ނުއަގުގައި ވިއްކާލަން ބަޔާން މިއުނިކުން ނިންމައިފި އެވެ.

މާނޭ ވިއްކާލުމަށް ބަޔާން އިން ނިންމާފައިވަނީ 17 މިލިއަން ޕައުންޑަށެވެ. މިއީ މިދިޔަ ސީޒަނުގައި ލިވަޕޫލުން މާނޭ ގަތުމަށް ބަޔާން ހޭދަކުރި އަދަދަށްވުރެ ދެ ގުނަ ކުޑަ އަދަދެކެވެ.

އިނގިރޭސި ބައެއް މީޑިއާތަކުން ބުނާ ގޮތުގައި ކޭން ގަތުމަށް ބަޔާންއިން ހުށަހެޅި 70 މިލިއަން ޕައުންޑްގެ ބިޑް ޓޮޓެންހަމުން ވަނީ ގަބޫލުނުކޮށްފަ އެވެ. ނަމަވެސް 120 މިލިއަން ޕައުންޑްގެ އަގެއް ހުށަހަޅައިފިނަމަ ކުޅުންތެރިޔާ ދޫކޮށްލުމުގެ ފުރުސަތު ބޮޑެވެ. ސަބަބަކީ މި އަހަރު ދޫކޮށްނުލައިފިނަމަ އަންނަ އަހަރު އެއްވެސް އަގެއް ނުލިބި ކޭން ދޫކޮށްލަން ޖެހިދާނެތީ އެވެ.

ކޭން ގަތުމަށް ބޭނުންވާ ފައިސާ ހަމަކުރުމަށް ބަޔާންއިން ވަނީ ހަތް ކުޅުންތެރިއަކު ވިއްކާލަން ނިންމައިފަ އެވެ. އޭގެ ތެރޭގައި މާނޭ އާއި ބެންޖަމިން ޕަވާޑް އާއި ދެ ކީޕަރު ކަމަށްވާ އެލެގްޒެންޑާ ނުބެލް އާއި ޔަން ސޯމާ ފަދަ ކުޅުންތެރިން ހިމެނެ އެވެ.

ކޭން މިއަދު ޓޮޓެންހަމްގެ އައު ކޯޗާއެކު އޭނާގެ ކުރިމަގާމެދު މަޝްވަރާތައް ކުރިއަށް ގެންދާނެ އެވެ.