ބުދަ 24 ޖުލައި 2019
10 ފުސް
1440 ޒުލްގައިދާ 21
ފަތިސް 04:45
އިރުއަރާ 06:01
މެންދުރު 12:16
އަސްރު 15:37
މަޣްރިބް 18:24
އިޝާ 19:40
ކުޅިވަރު - އިނގިރޭސި ޕްރެމިއަ ލީގު

ކޭންގެ ހެޓްރިކާއެކީ ޓޮޓެންހަމް ލީގުގެ ދެވަނައަށް

  • ޓޮޓެންހަމް ލީގުގެ ދެވަނައިގައި އޮތީ 45 ޕޮއިންޓާއެކު
  • ކޭން ކާމިޔާބުކުރި ގޯލުގެ އަދަދު ވަނީ 13 އަށް އަރާފަ

ނާފިއު ރަޝީދު
NaphiuR

ކ. މާލެ 15 ޖެނުއަރީ 2017 | އާދީއްތަ 19:35 2,335

ޓޮޓެންހަމްގެ އިނގިރޭސި ފޯވަޑް ހެރީ ކޭން - ގޫގުލް

ހެރީ ކޭން ކާމިޔާބުކުރި ހެޓްރިކާއެކު ވެސްޓްބްރޮމްގެ މައްޗަށް 0-4 ގެ ނަތީޖާއަކުން ކުރި ހޯދައި ޕްރިމިއާ ލީގުގެ ދެވަނައަށް ޓޮޓެންހަމް އަރައިފި އެވެ.

މި މޮޅާއެކީ ޓޮޓެންހަމް ލީގުގެ ދެވަނައިގައި އޮތީ 45 ޕޮއިންޓާއެކީގަ އެވެ. ނަމަވެސް މިރޭ ކުޅޭ މެޗުން ލިވަޕޫލް މޮޅުވެއްޖެނަމަ އެޓީމަށް ދެވަނަ މަގާމު އަލުން ލިބޭނެ އެވެ. ޓޮޓެންހަމް އަތުން ބަލިވި ވެސްޓްބްރޮމް އޮތީ 29 ޕޮއިންޓާއެކީ ލީގުގެ 8 ވަނައިގަ އެވެ.

ޓޮޓެންހަމްގެ ދަނޑުގައި ހޮނިހިރު ދުވަހު ކުޅުނު މި މެޗުގައި، އެޓީމުގެ ފަރާތުން މޮޅު ކުޅުމެއް ވަނީ ފެނިގެން ގޮސްފައެވެ. އެގޮތުން މި މެޗުގެ ފުރަތަމަ ގޯލް މެޗުގެ 12 ވަނަ މިނެޓްގައި ޓޮޓެންހަމަށް ކާމިޔާބުކޮށްދިނީ ހެރީ ކޭން އެވެ.

އަދި 26 ވަނަ މިނެޓްގައި އެޓީމުގެ ދެވަނަ ގޯލު ކާމިޔާބުކުރިއިރު، މި ގޯލަކީ ވެސްޓްބްރޮމްގެ ޑިފެންޑަރެއް ކަމަށްވާ ގެރެތް މެކައުލީ އަތުން ބައިކޮޅަށް ވަތް ގޯލެކެވެ. ފުރަތަމަ ހާފް ނިމުމުގެ ކުރިން، ޓޮޓެންހަމަށް ވަނީ ގޯލްޖަހާނެ އިތުރު ފުރުސަތުތަކެއް ލިބި ބޭކާރުވެފަ އެވެ.

ޓޮޓެންހަމްގެ ތިންވަނަ ގޯލު މެޗުގެ 77 ވަނަ މިނެޓްގައި ކޭން ކާމިޔާބުކޮށްދިންއިރު، އޭގެ ފަސް މިނެޓް ފަހުން ކޭން ވަނީ ޓޮޓެންހަމްގެ ހަތަރުވަނަ ގޯލު ކާމިޔާބުކޮށްދީ، ހެޓްރިކް ފުރިހަމަކޮށްފަ އެވެ.

މި މެޗުގައި ކާމިޔާބުކުރި ތިން ގޯލާއެކީ މި ސީޒަނުގެ ޕްރިމިއަ ލީގުގައި ކޭން ކާމިޔާބުކުރި ގޯލުގެ އަދަދު ވަނީ 13 އަށް އަރާފަ އެވެ.

މި މެޗުން ޓޮޓެންހަމް މޮޅުވިއިރު މިއީ ލީގުގައި އެޓީމުން ޖެހިޖެހިގެން މޮޅުވި ހަވަނަ މެޗުކަން ފާހަގަކޮށްލެވެ އެވެ.

އެންމެ ފަހުން އަޕްޑޭޓް ކުރީ: 2 ހަފްތާކުރިން | ރިވިއު ކުރީ: ހުސެން ފިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް