އއ. މަތިވެރީ ޔޫނިއަން ސްޕޯރޓްސް ކްލަބްގެ ފުޓްސަލް މުބާރާތް ފަށައިފިއެވެ.

މުޅި ރާއްޖެއަށް ހުޅުވާލި މުބާރާތުގައި ބައިވެރިވީ ހަ ޓީމެވެ. މުބާރާތުގެ ފުރަތަމަ ދުވަހު ކުޅުނު ތިން މެޗު ކާމިޔާބުކުރީ ޔަންގް ޕްލޭޔަރސްއާއި, އާރުބީޖީ ސްޕޯރޓްސް ކްލަބާއި, އެފްޓީ ވޭލިއަންޓެވެ. ޔަންގް ބޯއީސް މެޗު ކާމިޔާބުކުރީ މާރންސްއާ ވާދަކޮށް 2-1ންނެވެ. އާރުބީޖީ މެޗު ކާމިޔާބުކުރީ ރޯޔަލް ނައިޓްސް ސްޕޯރޓްސް ކްލަބާ ވާދަކޮށް 3-0ންނެވެ. މެޗުގައި ސިރުހާން ދެ ލަނޑު ޖެހިއެވެ. އެފްޓީ ވޭލިއަންޓް ފުރަތަމަ މެޗުގައި މޮޅުވީ ތަފާތު ބޮޑުކޮށެވެ. ފުރަތަމަ މެޗު އެޓީމް ކާމިޔާބުކުރީ މާރންސް އެކަޑަމީއާ ވާދަކޮށް 8-0ންނެވެ. މެޗުގައި ދެ ކުޅުންތެރިއަކު ހެޓްރިކް ހެދިއެވެ. އެއީ އަލްސަންއާއި, ރިމާހުއެވެ.

މިއީ ޗެމްޕިއަން ޓީމަށް 36 ރުފިޔާ، އަދި ރަނަރަޕް ޓީމަށް 11000 ރުފިޔާ ކަނޑައަޅާފައިވާ މުބާރާތެކެވެ. މުބާރާތުގެ ކޮންމެ ޓީމެއްގައި ރަށުން ބޭރުން ދެ ކުޅުންތެރިން ހިމެނުމުގެ ފުރުސަތު، ގަވާއިދުން ލިބެއެވެ. ރާއްޖޭގެ އެންމެ މޮޅު ކުޅުންތެރިން މި މުބާރާތުގައި ކުޅެއެވެ.